سێ ملیۆن و ۲۰۰ هه‌زار بێکار لە ئێران هەیە

نوێنه‌رێکی مه‌جلیسی شۆرای ئیسلامی ئێران ڕایگه‌یاند: وه‌زیری هەرەوەز، کار و حەسانەوەی کۆمەڵایەتی، ئاشكرای کردووە که‌ ۳ ملیۆن و ۲۰۰ هه‌زار بێکار له‌ ئێراندا هه‌یه‌.

به‌ ڕاپۆرتی ئاژانسی مێهر، کۆبوونه‌وه‌ی داخراوی مه‌جلیسی شۆرای ئیسلامی ئێران به‌ ئاماده‌یی وه‌زیری هەرەوەز، کار و حەسانەوەی کۆمەڵایەتی ئێران به‌ڕێوه‌ چوو.

سه‌رچاوه‌یه‌ک سه‌باره‌ت به‌م کۆڕه‌ به‌ ئاژانسی مێهری ڕاگه‌یاند: وه‌زیری کار  چه‌ند کێشه‌یه‌کی سه‌ره‌کی به‌رده‌م هه‌لی کاری ئاشكرا کرد که‌ به‌ هۆی ئه‌م کێشانه‌وه‌ ئه‌سته‌مه‌ کێشه‌ی بێکاری به‌ زوویی چاره‌سه‌ر بکرێت.

ئه‌و زیادی کرد: جەنابی وه‌زیر وتی که‌ ژماره‌ی بێکاره‌کان ۳ ملیۆن و ۲۰۰ هه‌زار که‌سه‌ که‌ ئه‌مه‌ش به‌ پێچه‌وانه‌ی ئه‌و ئامارانه‌یه‌ که‌ نوێنه‌ره‌کان له‌ شاره‌کانی خۆیان کۆیان کردووه‌ته‌وه‌.

ئه‌و زیادی کرد: به‌ پێی لێدوانه‌کانی جنابی ڕه‌بێعی ده‌بێت له‌ ساڵی ۱۴۰۰ (۴ ساڵی دیکه‌) ۳۱ ملیۆن و ۲۰۰ هه‌زار هه‌لی کارمان هه‌بێت که‌ ئێسته‌ ۲۲ ملیۆن و ۵۰۰ هه‌زار هه‌لی کارمان هه‌یه‌. ئه‌و زیادی کرد که‌ ئەگه‌ر ساڵانه‌ یه‌ک ملیۆن هه‌لی کاریش بڕه‌خسێنین تاکوو ساڵی ۱۴۰۰ ڕێژه‌ی بێکاری هه‌ر له‌ سه‌ره‌وه‌ ده‌بێت.

شایانی باسه‌ که‌ به‌ گشتی ئابووری وڵاتانی جیهان تووشی سستییه‌کی بێ وێنه‌ بووه‌ و ئه‌مه‌ش هه‌لی کاری له‌ سه‌رتانسه‌ری جیهان که‌م کردووه‌ته‌وه‌. هه‌روه‌ها ئێران گوشاری گه‌ماڕۆکانی ئه‌مریکاشی له‌ سه‌ره‌ و ئه‌مه‌ش زه‌ربی له‌ ئابوورییه‌که‌ی داوه‌.

News Code 9556

نیشانەکان

بۆچوونی ئێوە

You are replying to: .
  • 1 + 9 =