ئێران ده‌ست له‌ پشتیوانی کردنی خه‌ڵکی سووریا هه‌ڵناگرێت

سه‌رۆک کۆماری ئێران هێرشه‌که‌ی ئه‌مریکا بۆ سه‌ر سووریای ئیدانه‌ کرد و جه‌ختی کرد: ئه‌م کاره‌ دژی یاسا نێونه‌ته‌وه‌ییه‌کانه‌ و ئێران له‌ شه‌ڕی دژ به‌ تیرۆر به‌رده‌وامه‌ له‌ پشتیوانی کردنی خه‌ڵکی سووریا.

به‌ ڕاپۆرتی ئاژانسی مێهر، حه‌سه‌ن ڕۆحانی، سه‌رۆک کۆماری ئێران له‌ په‌یوه‌ندیه‌کی ته‌له‌فونی له‌گه‌ڵ به‌شار ئه‌سه‌د، سه‌رۆک کۆماری سووریا، وتی: سووریا هاوکاری باشی له‌گه‌ڵ نه‌ته‌وه‌ یه‌کگرتووه‌کان کردووه‌ و هیچ چه‌کێکی کیمیایی نییه‌ و ئه‌م قسانه‌ پاگه‌نده‌یه‌ بۆ لاواز کردنی سوپای سووریا، ئه‌وان ده‌یانه‌وێت به‌م کاره‌ وره‌ی زیاتر به‌ تیرۆریسته‌کان بده‌ن چون له‌م ماوه‌دا شکستی زۆر قورسیان خواردووه‌.

ئه‌و هه‌روه‌ها زیادی کرد: هێرشه‌که‌ی ئه‌مریکا له‌ دژی به‌رژه‌وه‌ندی گشتی خه‌ڵکی سووریا بوو، ئێمه‌ هیوادارین که‌ هه‌موو وڵاتانی جیهان ئه‌م کاره‌ نایاساییه‌ ئیدانه‌ بکه‌ن.

سه‌رۆک کۆماری ئێران وتی: دڵنیاین که‌ ئه‌م هێرشانه‌ بۆ ئه‌وه‌ ئه‌نجام بووه‌ که‌ دانوستانه‌کانی نێوان سوورییه‌کان تێک بده‌ن، به‌ڵام ئه‌مانه‌ کاریگه‌ریان به‌ سه‌ر چاره‌نووس و داهاتووی سووریاوه‌ نابێت.

ئه‌و جه‌ختی کرد: هیچ ڕێگه‌یه‌ک بێجگه‌ له‌ دانوستانی سیاسی بوونی نییه‌، ئه‌وان چه‌کی کیمیایان به‌کارهێناوه‌ ئه‌مه‌ش به‌و مه‌به‌سته‌ ئه‌نجام بووه‌ تاکوو جارێکی دیکه‌ سۆزی خه‌ڵکی جیهان به‌لای خۆیاندا ڕابکێشن و خه‌ڵک له‌ ڕاستییه‌کانی سووریا دوور بخه‌نه‌وه‌.

حه‌سه‌ن ڕۆحانی زیادی کرد: ئه‌و که‌سانه‌ی که‌ پێیان وایه‌ به‌ پشتیوانی تیرۆریسته‌کان ده‌توانن دۆخه‌که‌ له‌ به‌رژه‌وه‌ندی خۆیان بگۆڕن به‌ ته‌واوی هه‌ڵه‌ ده‌که‌ن. ئێران و سووریا بۆ دژایه‌تی تیرۆریسته‌کان هماهه‌نگی زیاتر پێکه‌وه‌ ده‌که‌ن.

هه‌روه‌ها له‌م په‌یوه‌ندییه‌دا سه‌رۆک کۆماری سووریاش سپاسی پشتیوانییه‌کانی ئێرانی کرد و وتی: هێرشه‌کانی ئه‌م دواییه‌ی ئه‌مریکا بۆ سه‌ر فڕۆکه‌خانه‌یه‌کی سووریا، به‌ مه‌به‌ستی تێکشکاندنی وره‌ی خه‌ڵکی سووریا و سوپای ئه‌م وڵاته‌ ئه‌نجام بووه‌.

سه‌رۆک کۆماری سووریا جه‌ختی کرد: ئه‌م هێرشانه‌ هیچ کاریگه‌رییه‌کان به‌ سه‌ر وره‌ی خه‌ڵکه‌وه‌ نییه‌ و خه‌ڵکی سووریا زیاتر سوورن له‌سه‌ر دابین کردنی مافی خۆیان و ده‌ر کردنی تیرۆریسته‌کان، ئێمه‌ تاکوو شکست دانی ته‌واوی تیرۆریسته‌کان به‌رده‌وام ده‌بین له‌م ڕێگایه‌.

News Code 9244

نیشانەکان

بۆچوونی ئێوە

You are replying to: .
  • 3 + 2 =