خۆکوژێک ته‌قینه‌وه‌که‌ی سه‌ن پێترزبورگی ئه‌نجام داوه‌

به‌ پێی ڕاپۆرتێکی ئینترفه‌کس، ڕووسیا ڕایگه‌یاندووه‌ که‌ هۆکاری ته‌قینه‌وه‌ تیرۆریستییه‌که‌ی دوێنێی سه‌ن پێتێرزبورگ بۆمبڕێژێکی خۆکوژ بووه‌.

به‌ ڕاپۆرتی ئاژانسی مێهر له‌ ڕۆیترز، ئاژانسی ئینتر فه‌کسی ڕووسیا له‌ زاری به‌رپرسێکی ئاگاداری ڕووسیه‌وه‌ ڕایگه‌یاند که‌ هۆکاری ته‌قینه‌وه‌ تیرۆریستییه‌که‌ی دوێنێی سه‌ن پێتێرزبورگ بۆمبڕێژێکی خۆکوژی سه‌ر به‌ گرووپه‌ تیرۆریستییه‌کان بووه.

له‌م ڕووداوه‌ تیرۆریستییه‌دا ۱۱ که‌س کوژراون و ۴۵ که‌سی دیکه‌ش به‌ سه‌ختی بریندار بوون.

ڤلادمیر پووتین، سه‌رۆک کۆماری ڕووسیا له‌ کاتی ئه‌م هێرشه‌ تیرۆریستییه‌ له‌ شاری سه‌ن پێترزبورگ بووه‌ و هه‌ر ئه‌و کاته‌ش له‌ شوێنی ڕووداوه‌که‌ دیداری کرد.

هێشتا هیچ گرووپێک به‌رپرسیاریه‌تی ئه‌م ته‌قینه‌وه‌ی له‌ ئه‌ستۆ نه‌گرتووه. به‌رپرسانی ڕووسی ئه‌م ته‌قینه‌وه‌یان به‌ کارێکی تیرۆریستی ناو بردووه، به‌ڵام هێشتا به‌ فه‌رمی په‌یوه‌ندی نێوان خۆکوژه‌که‌ و گرووپه‌ توندڕه‌وه‌کان ئاشکرا نه‌بووه‌.

ئینترفه‌کس ڕایگه‌یاند که‌ تاقی کردنه‌وه‌ی دی ئێن ئێنی شوێنی ته‌یقنه‌وه‌که‌ نیشان ده‌دات که‌ ئه‌م ته‌قینه‌وه‌ له‌ لایه‌ن تیرۆریستێکی خۆکوژه‌وه‌ ئه‌نجام بووه.

هه‌روه‌ها به‌ پێی ئه‌م ڕاپۆرته‌ پۆلیس په‌یوه‌ندی که‌سێک به‌ گرووپه‌ توندڕه‌وه‌کان له‌م ته‌قینه‌وه‌دا دۆزیوه‌ته‌وه.

شایانی باسه‌ که‌ گرووپی تیرۆریستی داعش دوو ساڵ پێش ئێستا ڕایگه‌یاند که‌ فڕۆکه‌ی گه‌شتیارانی ڕووی له‌ ده‌ریای ناوه‌ڕاست خستووه‌ته‌ خواره‌وه، له‌م ڕووداوه‌ تیرۆریستییه‌ ۲۲۴ شارۆمه‌ندی ڕووسی گیانی خۆیان له‌ ده‌ست دا.

News Code 9095

نیشانەکان

بۆچوونی ئێوە

You are replying to: .
  • 4 + 10 =