یارمەتی مرۆڤدۆستانە ڕادەستی ۳ هەزار کەس له‌ حه‌ڵه‌ب و لازقیه‌ کرا

ڕاده‌ست کردنی یارمه‌تییه‌ مرۆڤییه‌کان به‌ خه‌ڵکی حه‌ڵه‌ب و لازقیه‌ و کشانه‌وه‌ی ۲۹۰ چه‌کدار له‌ ناوچه‌ی وه‌عه‌ر، گرنگ ترین گۆڕانکارییه‌کانی سووریان.

به‌ ڕاپۆرتی ئاژانسی مێهر له‌ ئه‌لعه‌هد، ناوه‌ندی ڕووسی چاودێڕی به‌سه‌ر سووریا ناسراو به‌ حه‌میم ڕایگه‌یاند که‌ یارمه‌تییه‌ مرۆڤییه‌کان ڕاده‌ستی خه‌ڵکی سووریا کراوه‌.

ئه‌م ناوه‌نده‌ زیادی کرد: له‌ میانه‌ی ۲۴ کاتژمێری ڕابردوودا ۵ قۆناغی یارمه‌تی گه‌یاندن به‌ حه‌ڵه‌ب و یه‌ک قۆناخی یارمه‌تی گه‌یاندن به‌ گوندێک له‌ لازقیه‌ ئه‌نجام بووه‌ و به‌ زیاتر له‌ ۳ هه‌زار که‌س یارمه‌تییه‌ مرۆڤییه‌ سه‌ره‌تاییه‌کان گه‌یشتووه‌. هه‌روه‌ها دوو کاروان یارمه‌تی مرۆڤی به‌ره‌و دیمەشق هه‌نارده‌ کراوه‌.

له‌ لایه‌کی دیکه‌وه‌ سوپای سووریا ڕایگه‌یاند که‌ له‌ قۆناخی دووهه‌می ئاشتی نێوان دیمەشق و گرووپه‌ دژبه‌ره‌کان، ۲۹۰ چه‌کداری دیکه‌ به‌ هاوڕێی بنه‌ماڵه‌کانیان له‌ ناوچه‌ی وه‌عه‌ر له‌ پارێزگای حومس کشاونه‌ته‌وه‌ و به‌ره‌و باکووری پارێزگاکه‌ ڕۆیشتوون.

بڕیار وایه‌ که‌ ۱۵۰۰ ئه‌ندامی چه‌کدار به‌ هاوڕێی بنه‌ماڵه‌کانی خۆیان له‌ ماوه‌ی ۶ بۆ ۸ هه‌فته‌ی داهاتوو له‌ ناوچه‌ی وه‌عه‌ر بکشێنه‌وه‌.

ئه‌م ناوچه‌یه‌ دواین ناوچه‌ی حومسه‌ که‌ به‌رهه‌ڵستکاره‌کانی تێدایه‌ و دوای ئه‌م کشانه‌وه‌ پارێزگاکه‌ به‌ ته‌واوی ده‌که‌وێته‌ ژێر کۆنترۆڵی سوپای سووریا.

هه‌روه‌ها عه‌لی عه‌بدوڵا ئه‌یوب، فه‌رمانده‌ی گشتی سوپای سووریا له‌ ناوچه‌ی باکووری پارێزگای حه‌ما دیداری کرد.

News Code 8983

نیشانەکان

بۆچوونی ئێوە

You are replying to: .
  • 9 + 5 =