لە سەر گڵکۆوەکەی؛

مۆنۆمێنتی سه‌ید عەلی ئه‌سغه‌ر کوردستانی ڕوونوێنی کرا

ناسەی هەواڵ: 3935343 -
مۆنۆمێنتی هونەرمەندی به‌ناوبانگی کورد، سه‌ید عەلی ئه‌سغه‌ر کوردستانی له‌ گونده‌که‌ی خۆی و به‌ به‌شداری لاینگرانی هونه‌ری کوردی ڕوونوێنی کرا.

به‌ ڕاپۆرتی ئاژانسی مێهر، دوێنێ هه‌ینی، مۆنۆمێنتی هونەرمەندی به‌ناوبانگی گۆرانی و ئاوازی کوردی، سه‌ید عەلی ئه‌سغه‌ر کوردستانی له‌ گونده‌که‌ی خۆی و به‌ به‌شداری لاینگرانی هونه‌ری کوردی ڕوونوێنی کرا.

به‌ پێی ئه‌م ڕاپۆرته‌، مۆنۆمێنته‌که‌ له‌ سه‌ر مه‌زارگه‌ی ئه‌م هونه‌رمه‌نده‌ مه‌زنه‌ی کورد بینا کراوه‌ و بۆ ڕێز لێنان له‌ مه‌قامی سه‌ید عەلی ئه‌سغه‌ر کوردستانی ته‌واو کراوه‌.

فه‌رمانداری شاری سنه‌، محه‌مه‌د ئیبراهیم زارعی له‌م ڕێوڕه‌سمه‌دا وتی: ئێمه‌ ده‌مانه‌وێت که‌ مه‌زاری سه‌ی ئه‌سغه‌ر کوردستانی ببێته‌ شوێنێکی فه‌رهه‌نگی، سه‌ید ئه‌سغه‌ر کوردستانی یه‌کێکه‌ له‌ که‌سایه‌تییه‌ مه‌زنه‌کانی کورد و ته‌نانه‌ت مامۆستا شه‌جه‌ریان به‌ ده‌یان جار یادی ئه‌م هونه‌رمه‌نده‌ کورده‌ی به‌رز ڕاگرتووه‌.

ئه‌و زیادی کرد: له‌ داهاتوویه‌کی نزیک به‌ هاوکاری خه‌ڵکی سەڵواتاوا ئه‌م مه‌زارگه‌یه‌ ده‌که‌ینه‌ شوێنێکی گه‌شتیاریش و بودجه‌ی تایبه‌ت بۆ په‌ره‌دان به گوندی سەڵواتاو دابین ده‌که‌ین.

شایانی باسه‌ که‌ له‌م ڕێوه‌ڕه‌سمه‌دا  هونەرمەند بابه‌ شه‌هابی (نه‌وه‌ی سه‌ی دئه‌سغه‌ر کوردستانی) و په‌یام عه‌زیزی چه‌ند پارچه‌یه‌ک مۆسیقای کوردیان پێشکه‌ش کرد.

ناردنی بۆچوون

3 + 2 =