ڕێککەوتن لەگەڵ هەرێمی کوردستان بۆ کردنەوەی ڕێڕەوی کێلە

پارێزگاری ئازەربایجانی ڕۆژاوا وتی: لە گەڵ پارێزگاری ئەردەبێڵ و سلێمانی و وەزیری ئابووری هەرێمی کوردستان بۆ دانانی بنەما پێویستەکان و کردنەوەی ڕێڕەوی فەرمی لە سنووری کێلەی سەردەشت ڕیککەوتنمان کرد.

بە ڕاپۆرتی ئاژانسی هەواڵی مێهر، قوربانعەلی سەعادەت لە ڕێوڕەسمی ناساندنی فەرمانداری شاری سەردەشت کە لە هۆڵی کۆبوونەوەکانی فەرمانداری شاری سەردەشت بەڕێوە چوو، وتی: کۆڵبەری لە بازاڕچەکانی ئازەربایجانی ڕۆژاوا بە شێوەی ئێستا قبووڵ ناکرێت.

سەعادەت ڕایگەیاند: گەڵاڵەیەکمان ئامادە کردووە و باسە پێویستەکانمان لە گەڵ وەزیری ئابووری و گومڕوک کردووە و بۆ پەسەند کردنی نێردراوەتە بەردەست لیژنەی دەوڵەت کە بە جێبەجێ کردنی ئەو گەڵاڵەیە، کۆڵبەران لە ئەو دۆخە سەخت و نالەبارە دێنە دەرەوە و داهاتیشیان زیاد دەکات.

پارێزگاری ئازەربایجانی ڕۆژاوا زیادی کرد: بۆ گۆڕینی سنووری کێلە بە ڕێڕەو و سنوورێکی نێودەوڵەتی تێدەکۆشین.

 لەم پێناوەدا لە گەڵ پارێزگاری ئەردەبێڵ و سلێمانی و وەزیری ئابووری هەرێمی کوردستان بۆ دروست کردنی بنەما پێویستەکان و کردنەوەی ڕێڕەوێکی فەرمی ڕێککەوتنمان کردووە و لە سەرەتاکانی ساڵی داهاتووەوە دروست کردنی باڵەخانەی ئیداری و شوێنی گومڕۆک، ئیدارەی پاسپۆرت و دانانی پەرژین بۆ بازاڕچەکە وەکوو بازاڕچە فەرمیەکانی تر، دەست پێ دەکات.

News Code 8862

نیشانەکان

بۆچوونی ئێوە

You are replying to: .
  • 4 + 8 =