مۆسیقای مه‌عنه‌وی و عیرفانی گه‌شه‌ به‌ مرۆڤ ده‌کات

نوێنه‌ری باڵای ڕێبه‌ری ئیران له‌ پارێزگای کوردستان وتی: مۆسیقای مه‌عنه‌وی و عیرفانی ده‌بێته‌ هۆی گه‌شه‌ کردن و په‌روه‌رده‌ بوونی باشی مرۆڤ.

به‌ ڕاپۆرتی ئاژانسی مێهر، ئایه‌توڵا سه‌ید محه‌مه‌د حسه‌ینی شاهرودی، له‌ ڕێوڕه‌سمی فستیڤاڵی ده‌ف ژه‌نین و مه‌ولوودی خوێنی که‌ له‌ سنه‌ به‌ڕێوه‌ چوو، وتی: باشترین ملۆدی، ملۆدی قورئانه‌ چون هه‌م ڕۆح و هه‌م له‌ش ته‌ندروست ده‌کاته‌وه‌ و ده‌بێت به‌رده‌وام له‌ ژیانی ئێمه‌دا بوونی هه‌بێت.

ئه‌و به‌ ئاماژه‌ به‌م بابه‌ته‌ که‌ قورئان بابه‌تی مۆسیقا و ملۆدی به‌ ڕه‌وا ده‌زانێت، جه‌ختی کرد: ده‌نگی قورئان، باڵنده‌کان، ئاو و با ، هه‌موویان ریتمیان هه‌یه‌ و هه‌ماهه‌نگن پێکه‌وه‌ که‌ له‌گه‌ڵ ده‌روونی مرۆڤ هاوکۆکه‌ و ئه‌م ملۆدیانه‌ ئارامی به‌ مرۆڤ ده‌به‌خشن.

شاهرودی ئاماژه‌ی دا که‌ مۆسیقا، به‌ تایبه‌ت مۆسیقای عیرفانی به‌ستێنی گه‌شه‌ کردن و په‌روه‌رده‌ بوونی مرۆڤ خۆش ده‌که‌ن و زیادی کرد: مۆسیقا و ملۆدی ناخی قورئان ده‌بێته‌ هۆی په‌روه‌رده‌ بوونی مرۆڤ، له‌م جۆره‌ مۆسیقانه‌دا بابه‌تی زۆر ورد بوونی هه‌یه‌ که‌ مرۆڤ به‌ وته‌کانی خودای گه‌وره‌ و ئاکاره‌ باڵاکانی پێغه‌مبه‌ر (د.خ) و خانه‌دانی پێغه‌مبه‌ر ده‌به‌ستێته‌وه‌.

نوێنه‌ری ڕێبه‌ری باڵای ئێران له‌ کوردستان له‌ به‌شێکی دیکه‌ی قسه‌کانی خۆی وتی: له‌ سه‌رده‌مێکدا که‌ مرۆڤ به‌ره‌و کاری نا-خودای ده‌ڕۆیشت، شۆڕشی ئێسلامی ئێران سه‌ری هه‌ڵدا و ئه‌و بۆچوونه‌ مادییه‌ بۆ جیهان تێکشکا و مرۆڤ گۆڕدرا.

ئه‌و زیادی کرد: کاتی خۆی له‌ شه‌ڕی سارد-دا له‌ به‌رانبه‌ر دوژمنه‌کانمان ڕاوه‌ستیان و ئێسته‌ش به‌ هه‌مان شێوه‌ له‌ به‌رانبه‌ر شه‌ڕی نه‌رمی دوژمنه‌کانمان ده‌وه‌ستینه‌وه‌. فه‌رهه‌نگ و زناست له‌ ئێراندا له‌ ئاستێکی زۆر باڵا دایه‌ و له‌م ڕووه‌ دوژمن ناتوانێت زه‌رب له‌ ئێمه‌ بدات.

شایانی باسه‌ که‌ فستیڤاڵی ده‌ف ژه‌نین و مه‌ولوودی خوێنی به‌ پشتیوانی حه‌وزه‌ی هونه‌ری کوردستان و ئه‌نجومه‌نی شاره‌وانی شاره‌که‌ به‌ڕێوه‌ چوو.

News Code 8139

نیشانەکان

بۆچوونی ئێوە

You are replying to: .
  • 3 + 2 =