ڕه‌نگدانه‌وه‌ی ۲۲ی ڕێبه‌ندان له‌ مێدیا کوردییه‌کانی ناوچەکە

هاوکات له‌گه‌ڵ مێدیا جیهانییه‌کان زۆربه‌ی مێدیا کوردییه‌کان هه‌واڵی جه‌ژنی ساڵوه‌گه‌ری سه‌رکه‌وتنی شۆڕشی کۆماری ئیسلامی ئێرانیان بڵاو کرده‌وه‌.

به‌ ڕاپۆرتی ئاژانسی مێهر،  ئاژانسی باس نیوز له‌ میانه‌ی ۲۴ کاتژمێری ڕابردوودا ۳ بابه‌تی له‌سه‌ر ساڵوه‌گه‌ری سەرکەوتنی شۆڕشی کۆماری ئیسلامی ئێران بڵاو کردووه‌ته‌وه‌. یه‌که‌م بابه‌ت لەبارەی مێژووی ۳۸ ساڵه‌ی شۆڕشی ئیسلامی ئێران و خوێندنه‌وه‌ی ئه‌م شۆڕشه‌ بووە. دووهه‌م بابه‌ت بڵاو کردنه‌وه‌ی وێنه‌کانی سه‌ردار قاسم سولیمانییه‌ که‌ به‌شداری له‌ ڕێپێوانه‌کانی شاری تاراندا کردووه‌. سێهه‌مین بابه‌ت که‌ له‌ لایه‌ن باس نیوزه‌وه‌ بڵاو کراوه‌ته‌وه‌، هه‌واڵی لێدوانه‌کانی سه‌رۆک کۆماری ئێران، حه‌سه‌ن ڕۆحانییه‌.

له‌ میانه‌ی ئه‌م هه‌واڵه‌دا هاتووه‌ که‌ حه‌سه‌ن ڕۆحانی له‌ نێوان ئاپۆڕای جه‌ماوه‌ری خه‌ڵکی تاران وتی: خرۆشان و ڕێپێوانی بەرفراوانی ئەمڕۆ پەیامێکی ڕوون و ئاشکرا بوو بۆ ئەمریکا و هاوپەیمان و هەڕەشەکانیان.

سه‌رۆک کۆماری ئێران هه‌روه‌ها جه‌ختی کرد که‌ شۆڕشی کۆماری ئیسلامی موڵکی هەموو هاووڵاتیانی ئێرانە و هەموو تێیدا بەشدارن.

ڕۆژنامه‌ی ئاوێنه‌ش له‌ میانه‌ی ڕاپۆرتێکدا به‌ گرنگیه‌وه‌ باسی به‌شداری خه‌ڵکی ئێران له‌ ڕێپێوانی ۲۲ ڕێبه‌ندان ده‌کات و له‌ زاری سه‌رۆک کۆماری ئێرانه‌وه‌ تیتری لێداوه‌ که‌ وا لە ئەمریكا دەكەین پاشگەزبێتەوە لە زمانی هەڕەشە.

له‌ درێژه‌دا هاتووه‌ که‌ سه‌رۆک کۆماری ئێران وتی: خەڵك بە ئامادە بوونە بەرفراوانەكەی جارێكی دی بە جیهانی نیشاندا كە شۆڕش زیندووە و بەرەو ئامانجە باڵاكانی خۆی هەنگاو دەنێت.

ڕۆژنامه‌ی ئاوێنه‌ ئاماژه‌ی داوه‌ که‌ سەرۆک كۆماری ئێران ئامادە بوونی بەرفراوانی خەڵكی ئێرانی لە رێپێوانەكەدا بە وەڵامێک بۆ لێدوانە درۆكانی بەرپرسانی نوێی كۆشكی سپی ده‌زانێت و وتیشی: خەڵک بەم ئامادە بوونەیان بە دنیایان راگەیاند كە دەبێ بە زمانی رێزەوە لەگەڵ نەتەوەی ئێران قسە بكرێت و زمانی هەڕەشە و گوڕەشە بەكارنەهێنن. خه‌ڵکی ئێران لە ماوەی ۳۸ ساڵی رابردودا پیشانی داوە كە هەر كەسێک بە زمانی هەڕەشە قسەی لەگەڵ بكات، پەشیمانی دەكاتەوە.

ئاژانسی پی یو که‌ی مێدیاش له‌ چه‌ند بابه‌ت و هه‌واڵێکدا به‌ گرنگیه‌وه‌ هه‌واڵی ڕێپێوانی ۲۲ی ڕێبه‌ندانی بڵاو کردووه‌ته‌وه‌.

له‌ میانه‌ی ڕاپۆرته‌که‌ی پی یو که‌ی مێدیا هاتووه‌: ئه‌مڕۆ ۱۰-۲۰۱۷ له‌ تارانی پایته‌ختی ئێران یادی ۳۸ ساڵه‌ی شۆڕشی ئیسلامی ئێران كرایه‌وه‌ و له‌و مه‌رایسمه‌دا سه‌رۆک كۆماری ئێران وته‌یه‌كی پێشكه‌ش كرد.

مه‌راسیمه‌كه‌ به‌ ئاماده‌ بوونی ژماره‌یه‌كی زۆر له‌ خه‌ڵکی ئێران ئه‌نجامدرا و تێیدا حه‌سه‌ن رۆحانی سه‌رۆک كۆماری ئێران وتی: یه‌كێك له‌ ده‌ستكه‌وته‌كانی شۆڕشی ئیسلامی ئێران له‌ ساڵی ۱۹۷۹ دا دروست بوونی كۆماری ئیسلامی ئێران بوو، هه‌روه‌ها شۆڕشه‌كه‌ ده‌ستكه‌وتی گه‌وره‌ی بۆ گه‌لی ئێران له‌ بواری دادپه‌روه‌ریدا به‌دیهێناوه‌.

وتیشی: شۆڕشی گه‌لانی ئێران سه‌ركه‌وتنی وشه‌ بوو به‌سه‌ر گوللـه‌دا و شۆڕشی سه‌رجه‌م خه‌ڵکی ئێران بوو به‌ جیاوازی ئاینیشه‌وه‌.

حه‌سه‌ن رۆحانی راشیگه‌یاند: له‌ ماوه‌ی ۳۸ ساڵی رابردوودا وڵاته‌كه‌مان گۆڕانكاری زۆری به‌خۆیه‌وه‌ بینیوه‌ و رۆژ به‌ رۆژ به‌رهه‌مهێنانی نه‌وت روو له‌ زیادبوون ده‌كات و به‌ڵێنیش ده‌ده‌ین كه‌ به‌رده‌وام بین له‌ درێژه‌ دان به‌و شۆڕشه‌ی كه‌ گه‌لی ئێران ئه‌نجامیدا.

ماڵپه‌ڕی شارپرێس، بۆ لێکۆڵینه‌وه‌ سیاسی و کۆمه‌ڵایه‌تییه‌کان، گرنگی به‌شداری خه‌ڵکی ئێران داوه‌ و له‌ هاوڵێدا له‌ زاری حه‌سه‌ن ڕۆحانی سه‌رۆک کۆماری ئێرانه‌وه‌ نووسی: ئێران لە دادگای نێودەوڵەتی سكاڵای لە دژی بڕیارەكەی ترامپ تۆمار كردووە. ئێران نیگەرانە لەو بڕیارەی سەرۆكی نوێی ئەمریكا‌ و بە بڕیارێكی ناڕەوا سەیری دەكات.

سەرۆكک كۆماری ئێران جەختی كردەوە وڵاتەكی دژی زمانی هەڕەشەیە که‌ بكرێتە سەر وڵاتەكەی و دووپاتی كردەوە كە ئێران هەرەشە قبوڵ ناكات. سەبارەت بە بەرنامەی ئەتۆمی ئەو وڵاتەش روحانی جه‌ختی كردەوە كە ئەو پرسە مافێكی سروشتی دانپیانراوی هەر دەوڵەتێكە و دەستبەرداری نابن.

ئاژانسی خه‌ندانیش له‌ میانه‌ی چه‌ند هه‌واڵیکدا وێنه‌کانی ڕۆژی ۲۲ی ڕێبه‌ندان و قسه‌کانی حه‌سه‌ن ڕۆحانی بڵاو کردووه‌ته‌وه‌ و له‌ زاری سه‌رۆک کۆماری ئێرانه‌وه‌ نووسی: پێشكه‌وتنی‌ سه‌ربازی‌ ئێران بۆ به‌رگری كردنه‌ له‌ وڵات و ئێران و هه‌میشه‌ دژی‌ چه‌كی‌ كۆمه‌ڵ كوژ بووه‌، ئه‌و چه‌كه‌ دژی‌ به‌رژه‌وه‌ندییه‌ مرۆڤییه‌كان و ئاینده‌ی جیهان و بنه‌ما ئه‌خلاقییه‌كانه‌.

له‌ درێژدا حه‌سه‌نی ڕۆحانی جه‌ختی کرد: تا ئێستا ده‌ست درێژیمان نه‌كردووه‌ته‌ سه‌ر هیچ وڵاتێک و هیچ خواستێکی له‌و شێوه‌یه‌شمان نییه‌، چه‌كی‌ ئێمه‌ بۆ به‌رگرییه‌ له‌ وڵات، نابێت ڕێگه‌ش بده‌ین به‌ هیچ كه‌سێك له‌م بارودۆخه‌دا وه‌هم و گومان دروست بكات و بابه‌ته‌کان تێكه‌ڵ بكات.

شایانی باسه‌ که‌ ئه‌مڕۆ سی و هه‌شتوومین ساڵوه‌گه‌ری سه‌رکه‌وتنی شۆڕشی ئیسلامی ئێران بوو که‌ له‌ ساڵی ۱۹۷۸ ڕووی دا و به‌ هۆیه‌وه‌ شای ئێران له‌ ده‌سه‌ڵات ده‌رکرا و کۆماری ئیسلامی ئێران له‌ جێگه‌ی سه‌قامگیر بوو. خه‌ڵکی ئێران هه‌ر ساڵ له‌ ڕۆژی ۲۲ی ڕێبه‌ندان به‌ ڕێپێوان به‌شداری ساڵیادی ئه‌م شۆڕشه‌ ده‌که‌نه‌وه‌ و وه‌ک نه‌ریتێک سه‌رۆک کۆماری ئێران له‌م ڕۆژه‌دا گرنگ ترین ده‌ستکه‌وته‌کان و سیاسته‌کانی ده‌وڵه‌تی ئێران ڕاده‌گه‌یه‌نێت و هه‌ر به‌م بۆنه‌شه‌وه‌ له‌ نێو مێدیاکانی جیهاندا گرنگی زۆری پێ ده‌درێت.

ئه‌مه‌ساڵ نزیک به‌ ۶ هه‌زار مێدیاکار له‌ جیهانه‌وه‌ به‌شداری ئه‌م ڕێوڕه‌سمه‌یان کرد بوو.

News Code 8134

نیشانەکان

بۆچوونی ئێوە

You are replying to: .
  • 1 + 14 =