ئەحمەد تورك ئازاد كرا

سیاسه‌توانی ناسراوه‌ی كوردی تورکیا و هاوسەرۆكی شارەوانی مێردین دوای دوو مانگ لەدەستگیركردنی ئازادكرا.

به‌ ڕاپۆرتی ئاژانسی هه‌واڵی مێهر، ئێواره‌ی دوێنێ هه‌ینی ئەحمەد تورك سەرۆكی شارەوانی لەسەركار لادراوی مێردین که‌ مانگی ڕابردوو له‌ لایه‌ن هێزه‌ ئه‌منییه‌کانی تورکیاوه‌ بە تۆمەتی پەیوەندی له‌گه‌ڵ په‌که‌که‌ ده‌ستگیر کرابوو، ئازاد کرا.

ئه‌حمه‌د تورک چه‌ند ڕۆژ له‌مه‌وپێش له‌ زیندانی ئه‌سته‌نبۆڵه‌وه‌ بەمەبەستی پشكنینی پزیشكی رەوانەی نەخۆشخانە کرابوو.

ئەحمەد تورك لە ۱۷ی نۆڤەمبەری ساڵی رابردوو لەكارەكەی دوورخرایەوە و لە ۲۴ی هەمان مانگدا بەتۆمەتی هەبونی پەیوەندی لەگەڵ پارتی كرێكارانی كوردستان دەستگیركرا.
 له‌مباره‌وه‌ میدیاکان نووسیان که‌ زینەب سێرین پارێزەری ئەحمەد تورك رایگەیاند، داوای پێشكەشی دادگا كردووە بەمەبەستی ئازادكرنی، چونكە تەمەنی ۷۵ ساڵەو نەخۆشییەكەشی دەستنیشانكراوە، بەڵام راپۆرتی پزیشكی ئاماژەی بەوەكردووە دەتوانێت بمێنێتەوە لەزیندان بۆیە دادگا دەتوانێت پابەند نەبێت بەو راپۆرتە پزیشكییەوە.

News Code 7986

نیشانەکان

بۆچوونی ئێوە

You are replying to: .
  • 6 + 3 =