سێهه‌مین هێرشی چه‌کداری بۆ سه‌ر پۆلیسی تورکیا

چه‌کدارێکی نه‌ناسراو هێرشی کرده‌ سه‌ر ئۆتۆمبێلی پۆلیسی تورکیا له‌ ئه‌سته‌نبۆڵ، ڕووداوێک که‌ به‌ سێهه‌مین هێرش له‌ ماوه‌ی ۲۴ کاتژمێری ڕابردوو له‌م وڵاته‌ دێته‌ ئه‌ژمار.

به‌ ڕاپۆرتی ئاژانسی هه‌واڵی مێهر له‌ رۆیتێرز، چه‌کدارێکی نه‌ناسراو دوێنێ ته‌قه‌ی له‌ پۆلیسی ئه‌سته‌نبۆڵ کرد و ئه‌وه‌ش به‌ سێهه‌م هێرش بۆ سه‌ر پۆلیس ئه‌و وڵاته‌ داده‌نرێت که‌ له‌ شه‌و ورۆژێکدا کراوه.   

به‌ گوێره‌ی ڕاپۆرتی ئاژانسی هه‌واڵی دۆغان، ئه‌و چه‌کداره‌ له‌ ناوچه‌ی ئێسنیڤێرتی ئه‌سته‌نبۆڵ ده‌ستڕێژی گوله‌ی له‌ پۆلیس کردووه‌ و دواتر هه‌ڵاتووه.

 له‌و هه‌واڵه‌دا هاتووه‌ که‌ هێرشبه‌ره‌که‌ چه‌کێک و هه‌نبانه‌یه‌کی پڕ نارنجۆکی له‌و شوێنه‌ به‌جێهێشتووه.

 پۆلیسی تورکیا گه‌ڕان به‌ دوای ئه‌م هێرشبه‌ره‌ی ده‌ستپێکردووه.

 تا ئێستا هه‌واڵی زیاتر له‌سه‌ر ژماره‌ی بریندارانی ئه‌م هێرشه‌ بڵاونه‌بووه‌ته‌وه.

 شیاوی ئاماژه‌یه‌ ئه‌م هێرشه‌ چه‌کداریه‌ ۱۲ کاتژمێر دوای ئه‌وه‌ هات که‌ هێرش کرایه‌ سه‌ر بنکه‌ی پۆلیسی ئه‌سته‌نبۆڵ و نووسینگه‌ی پارتی دادو گه‌شه‌ له‌م وڵاته.

News Code 7778

نیشانەکان

بۆچوونی ئێوە

You are replying to: .
  • 2 + 1 =