کاردانه‌وه‌ی به‌رپرسانی نێونه‌ته‌وه‌یی به‌ کۆچی ئایه‌توڵا هاشـمی

ژماره‌یه‌ک که‌سایه‌تی عه‌ره‌ب و به‌رپرسانی وڵاتانی جیهان به‌ بڵاو کردنه‌وه‌ی په‌یامێک به‌ بۆنه‌ی کۆچی دوایی ئایه‌توڵا هاشمی ڕه‌فسه‌نجانی سه‌ره‌خۆشیان کرد.

به‌ ڕاپۆرتی ئاژانسی مێهر، که‌سایه‌تییه‌ جیاوازه‌کانی عه‌ره‌ب و جیهانی ئیسلام به‌ بڵاو کردنه‌وه‌ی چه‌ندین په‌یام سه‌ره‌خۆشیان له‌ کۆچی دوایی ئایه‌توڵا هاشـمی ڕه‌فسه‌نجانی کرد.

فواد مه‌عسوم، سه‌رۆک کۆماری عێراق ڕۆژی یه‌کشه‌مه‌ سه‌ره‌خۆشی کۆچی دوایی ئایه‌توڵا هاشـمی ڕه‌فسه‌نجانی له‌ حه‌سه‌ن ڕۆحانی کرد.

ماڵپه‌ڕی سه‌رۆک کۆماری عێراق له‌ ڕاگه‌یه‌ندراوێکدا نووسی: فواد مه‌عسوم په‌یامێکی کۆچی دوایی بۆ حه‌سه‌ن ڕۆحانی ناردووه‌ و سه‌ره‌خۆشی له‌ کۆچی دوایی ئایه‌توڵا هاشـمی ڕه‌فسه‌نجانی کرد.

مه‌ولود چاوس ئۆغڵو، وه‌زیری ده‌ره‌وه‌ی تورکیاش ئێواره‌ی یه‌کشه‌مه‌ سه‌ره‌خۆشی کۆچی دوایی هاشـمی ڕه‌فسه‌نجانی له‌ به‌رپرسانی ئێرانی کرد.

ئاژانسی ئاناتۆلی ڕایگه‌یاند که‌ چاوش ئۆغڵو له‌ تویتره‌که‌ی خۆی نووسی:  به‌ غه‌م و په‌ژاره‌یه‌کی زۆره‌وه‌ په‌یامی کۆچی دوایی ئایه‌توڵا هاشـمی ڕه‌فسه‌نجانیم وه‌ر گرت و سه‌ره‌خۆشی ئه‌م کۆچی دواییه‌ له‌ بنه‌ماڵه‌ و به‌رپرسانی ئێران ده‌که‌م.

لای خۆشیه‌وه‌، سه‌ید حه‌سه‌ن نه‌سروڵا، ئه‌مینداری گشتی حزبوڵای لوبنان په‌یامێکی بۆ کۆچی دوایی ئایه‌توڵا هاشمـی بڵاو کردووه و سه‌رخۆشی کۆچی دوایی ئه‌م که‌سایه‌تییه‌ی له‌ خه‌ڵکی ئێران کرد و نووسی: ئه‌و به‌رده‌وام پشتیوانی به‌ره‌ی خۆڕاگری بوو. ئه‌و وه‌ک باوکێکی دڵسۆز له‌ هه‌موو قۆناغه‌ سه‌خته‌کاندا له‌گه‌ڵ ئێمه‌ بوو.

شێخ خه‌ڵیفه‌ بن زاید ئالی نه‌هیان، سه‌رۆکی ده‌وڵه‌تی ئیماراتیش به‌ ناردنی په‌یامێک بۆ سه‌رۆک کۆماری ئێران سه‌ره‌خۆشیان له‌ کۆچی دوایی هاشمـی ڕه‌فسه‌نجانی کرد.

که‌سایه‌تی ئاینی لوبنان، عه‌فیف نابلسی سه‌ره‌خۆشی کۆچی دوایی هاشمی ڕه‌فسه‌نجانی له‌ ڕێبه‌ری ئێران کرد. ئه‌و له‌ په‌یامه‌که‌ی خۆیدا نووسی: هاشمی ڕه‌فسه‌نجانی دیاریترین که‌سایه‌تی شۆڕشی ئیسلامی ئێران بوو که‌ سه‌قامگیر ی و گه‌شه‌ی بۆ وڵاتی ئێران هاورد. ئه‌م کۆچه‌ زه‌ربێکی گه‌وره‌ له‌ جیهانی ئیسلام ده‌دات.

هه‌روه‌ها ئه‌میری کوه‌یت به‌ ناردنی په‌یامێک بۆ حه‌سه‌ن ڕۆحانی سه‌ره‌خۆشی له‌ کۆچی دوایی هاشـمی ڕه‌فسه‌نجانی کرد.

 نوری مالکی، جێگری سه‌رۆک کۆماری عێراق و ئه‌مینداری گشتی حزبی ده‌عوه‌ی عێراقیش له‌ په‌یامێکدا سه‌ره‌خۆشی له‌ کۆچی دوایی هاشمی به‌ ڕێبه‌ری باڵای ئێران ڕاگه‌یاند.

شایانی باسه‌ که‌ دوێنێ ئایه‌توڵا هاشمـی ڕه‌فسه‌نجانی به‌ هۆی جه‌ڵده‌ی دڵه‌وه‌ له‌ تارانی پایته‌ختی ئێران کۆچی دوایی کرد.

News Code 7526

نیشانەکان

بۆچوونی ئێوە

You are replying to: .
  • 3 + 15 =