نامه‌ی ۳۷ زانای ئه‌مریکایی بۆ ترامپ سه‌باره‌ت به‌ به‌رجام

به‌ ده‌یان زانای ئه‌مریکایی که‌ چه‌ند که‌سێکیان براوه‌ی خه‌ڵاتی نۆبلن به‌ ناردنی نامه‌یه‌ک بۆ دۆناڵد ترامپ داوایان کرد که‌ پێبه‌ند بێت به‌ ڕێککه‌وتنی ناڤۆکی له‌گه‌ڵ ئێران.

به‌ ڕاپۆرتی ئاژانسی مێهر له‌ نیۆیۆرک تایمز، به‌ ده‌یان زانای ئه‌مریکایی به‌ ناردنی نامه‌یه‌ک بۆ دۆناڵد ترامپ، سه‌رۆک کۆماری هه‌ڵبژێردراوی ئه‌مریکا، داوایان کرد تاکوو ترامپ به‌رجام  پێشێل نه‌کات.

به‌ پێێ ئه‌م ڕاپۆرته‌، ۳۷ زانای ئه‌مریکایی ئه‌م نامه‌یان واژۆ کردووه‌ که‌ زۆربه‌یان براوه‌ی خه‌ڵاتی نۆبل و پڕۆفیسۆری زانکۆکانی ئه‌مریکان.

ئه‌م نامه‌یه‌ له‌ لایه‌ن ڕیچارد ئه‌ل گارۆین، یه‌که‌م فیزیک زانی بۆمبی هیدرۆژنی ئه‌مریکاوه‌ نووسراوه‌ و دواجار ئه‌و ۳۶ زانایه‌ی دیکه‌ی ئه‌مریکا بۆ پشتیوانی له‌م نامه‌یه‌ ژێر ئه‌م نامه‌ییه‌یان واژۆ کردووه‌.

هه‌روه‌ها که‌سانی وه‌ک پڕۆفیسۆر زیگفرید هه‌کر، مامۆستای زانکۆی ستێنفۆرد که‌ له‌ ساڵی ۱۹۸۶ تاکوو ۱۹۹۷ به‌رپرسی ناوه‌ندی چه‌کی لۆس ئالامۆس له‌ نیۆ مێکزیکۆ بووه‌، ڕاش هاڵت ئه‌ندامانی پێشووی کۆنگرێسی ئه‌مریکا و فیزیک زانی ناڤۆکی که‌ ئێسته‌ سه‌رۆکایه‌تی ئه‌نجومه‌نی زانسته‌ پێشکه‌وتووه‌کانی ئه‌مریکای له‌ ده‌سته‌ و سیدنی دڕێڵ فیزیک زانی ناوداری زانکۆی ستافۆرد و ڕاوێژکاری پێشووی نیکسۆن ئه‌م نامه‌یان واژۆ کردووه‌.

له‌ نامه‌که‌دا هاتووه‌: ئێمه‌ له‌ به‌ڕێزت داوا ده‌که‌ین که‌ ده‌ستکه‌وته‌ ستراتیژیکه‌کانی ئه‌مریکا بپارێزی. ئێران دوو له‌ سه‌ر سێ سانتریفیوژه‌کانی خۆیی له‌ کار خستووه‌، زیاتر له‌ ۹۵ له‌ سه‌دی ئۆرانیۆمه‌ پیتاوه‌که‌ی خۆیی ڕاده‌ست کردووه‌ و به‌رهه‌م هێنانی ئۆرانیۆم به‌ ئاستی ۲۰ له‌ سه‌دی ڕاگرتووه‌.

هه‌روه‌ها له‌ درێژه‌ی نامه‌که‌دا هاتووه‌: ئه‌وان دڵنیان که‌ ئه‌گه‌ری دروست کردنی بۆمبی ناڤۆکی به‌ په‌له‌ له‌ لایه‌ن ئێرانه‌وه‌ به‌ سفر گه‌یشتووه‌. هه‌ر بۆیه‌ ئێمه‌ داوا ده‌که‌ین که‌ ئه‌مریکا پێبه‌ند بێت به‌ به‌رجام و ده‌ست به‌م ڕێککه‌وتنه‌ گرنگه‌وه‌ بگرێت.

هه‌روه‌ها له‌ نامه‌که‌دا ئاماژه‌ کراوه‌ که‌ به‌رجام ده‌بێته‌ هۆی دڵنیایی دراوسێکانی ئێرانیش و ئه‌وان هان نادات که‌ به‌ره‌و چه‌کی ناڤۆکی بڕۆن.

News Code 7427

نیشانەکان

بۆچوونی ئێوە

You are replying to: .
  • 3 + 0 =