شیعه‌ و سوننه‌ نابێت ڕێگه‌ به‌ په‌ره‌سه‌ندنی ئیسلامی ساخته‌ بده‌ن

جێگری کاروباری مه‌جلیس و پارێزگاکانی ڕێکخراوه‌ی بانگه‌شه‌ی ئیسلامی ئێران جه‌ختی کرده‌ سه‌ر زه‌رووره‌تی پاراستنی یه‌کگرتوویی له‌ نێوان موسڵمانان و وتی: زانایانی شیعه‌ و سوننه‌ نابێت ڕێگه‌ بده‌ن ئیسلامی ساخته‌ په‌ره‌بسێنێت.

به‌ ڕاپۆرتی ئاژانسی هه‌واڵی مێهر، حوجه‌تولئیسلام سه‌ید ناسره‌دین نووری زاده‌ له‌ جه‌ژنی گه‌وره‌ی یه‌کگرتوویی له‌  هۆڵی نووری ئیداره‌ی گشتی بانگه‌شه‌ی ئیسلامی کوردستان، وتی:شیعه‌ و سوننه‌ ده‌بێ به‌ باشی ئه‌ندێشه‌ی یه‌کگرتوویی کرده‌یی له‌ هه‌ڵسوکه‌وتیاندا ڕه‌نگ بداته‌وه.

حوجه‌تولئیسلام نووری زاده‌ به‌ ئاماژه‌ به‌ چه‌ند ئایه‌تی قورئانی پیرۆز که‌ پێغه‌مبه‌ر(د. خ) به‌ منه‌تی خوا له‌سه‌ر مرۆڤ ناوده‌بات، وتی: حه‌زره‌تی موحه‌مه‌د (د. خ) گه‌وره‌ترین خه‌ڵاتی خوا به‌ مرۆڤه‌کان بووه.

وتیشی: ئێمه‌ که‌ وا خه‌لات و ڕێبه‌ر و ڕێنمایه‌کمان  هه‌یه‌ نابێت ڕێگه‌مان لێ ون ببێت و دوژمن به‌سه‌رماندا سه‌رکه‌وێت.

ئه‌وه‌شی وت که‌ شیعه‌  وسوننه‌ خاڵی هاوبه‌شی زۆریا هه‌یه‌ و جیاوازییه‌کانیان ئه‌وه‌نده‌ نییه‌ و نابێ خۆیان ڕێچکه‌ بۆ دوژمن بکه‌نه‌وه‌ که‌ دزه‌ بکاته‌ نێوانیان و تۆی نیفاق و دووبه‌ره‌کیان تێدا بچێنێت.

له‌ کۆتاییشدا جه‌ختی له‌وه‌ کرده‌وه‌ که‌ شیعه‌ و سوننه‌ ده‌بێ ئاگادار بن که‌ دوژمن ده‌یه‌وێت په‌ره‌ به‌ ئیسلامێکی ساخته‌ بدات و له‌ ئێستاشدا به‌ ناوی خوا و پێغه‌مبه‌ر (د. خ) دڕندانه‌ترین جه‌نایه‌ته‌کان ده‌که‌ن.

News Code 7050

نیشانەکان

بۆچوونی ئێوە

You are replying to: .
  • 3 + 6 =