به‌ڕێوه‌ چوونی پێشانگای وێنه‌ی ئێران له‌ هه‌ولێر

ڕاوێژکاری فه‌رهه‌نگی کونسوڵخانه‌ی ئێران له‌ هه‌رێمی کوردستان له‌ به‌ڕێوه‌ چوونی پێشانگای وێنه‌ی ئێران له‌ هه‌رێم هه‌واڵی دا.

به‌ ڕاپۆرتی ئاژانسی مێهر، محه‌مه‌د شیرزاد، ڕاوێژکاری فه‌رهه‌نگی کونسوڵخانه‌ی ئێران له‌ هه‌وڵێر له‌ کردنه‌وه‌ی پێشانگایه‌کی وێنه‌ له‌ ژیر ناوی "ئێران مه‌ڵبه‌ندی خه‌ونه‌کان" له‌ هه‌وڵێر هه‌واڵی دا.

ئه‌و له گفتوگۆ له‌گه‌ڵ هه‌واڵنێری مێهر وتی: به‌ مه‌به‌ستی پته‌و کردنه‌وه‌ی په‌یوه‌ندی مێژووی و فه‌رهه‌نگی له‌ نێوان کۆماری ئیسلامی ئێران و هه‌رێمی کورستانی عێراق، له‌ سێ شاری هه‌وڵیر، سۆران و ڕواندز به‌شێک له‌ ڕاکێشه‌ گه‌شتاری، مێژووی و سروشتییه‌کانی ئێرانمان له‌ چوارچێوه‌ی پێشانگایه‌کی وێنه‌، بۆ خه‌ڵکی خوێن گه‌رمی هه‌رێم نمایش کرد.

ڕاوێژکاری فه‌رهه‌نگی کونسوڵخانه‌ی کۆماری ئیسلامی ئێران له‌ هه‌ولێر زیادی کرد: له‌م پێشانگایه‌ ۴۰ به‌رهه‌م له‌ هونه‌رمه‌ندی وێنه‌گه‌ری توانای ئێران، جنابی "محه‌مه‌د یونسی ویقار" نمایش کراوه‌.

ئه‌و وتی: وێنه‌کان له‌ ئاسه‌واره‌ مێژووی و سروشتییه‌کانی ۹ پارێزگای کۆماری ئیسلامی ئێرانه‌. هه‌وڵمان داوه‌ تاکوو هاوبه‌شییه‌ فه‌رهه‌نگی و مێژووییه‌کانی نێوان هه‌ر دوو لا به‌رجه‌سته‌ بکه‌ینه‌وه‌.

هه‌ر به‌م مه‌به‌سته‌ش، دوێنێ سێ شه‌مه‌ ۲۵ی خه‌زه‌ڵوه‌ر (۱۵ی نۆڤامبه‌ر) یه‌که‌مین خولی ئه‌م پێشانگایه‌ له‌ پارکی شانه‌دری هه‌ولێر به‌ ئاماده‌ بوونی سه‌رکونسولی کۆماری ئسیلامی ئێران، جێگری پارێزگاری هه‌ولێر و فه‌رمانداری هه‌ولێر ده‌ستی به‌ کار کرد.

شایانی باسه‌ که‌ به‌ڕێوه‌ بردنی ئه‌م پێشانگایه‌ تاکوو ڕۆژی هه‌ینی درێژه‌ی ده‌بێت، هه‌روه‌ها بڕیار وایه‌ که‌ یه‌کی سه‌رماوه‌ز (۲۱ی نۆڤامبه‌ر)ه‌وه‌ بۆ ماوه‌ی دوو ڕۆژ له‌ شاری سۆران (دیانا) و له‌ سێ سه‌رماوه‌ز (۲۳ نۆڤامبر)ه‌وه‌ بۆ ماوه‌ی دوو ڕۆژ له‌ شاری ڕواندز ئه‌م پێشانگایه‌ به‌ڕێوه‌ بچێت.

News Code 6576

نیشانەکان

بۆچوونی ئێوە

You are replying to: .
  • 8 + 0 =