سەڵاحەدین دەمیرتاش‌و فیگەن یوكسەكداغ دەستگیركران

هێزە ئەمنییەکانی تورکیا هاوسەرۆكانی پارتی دیموكراتی گەلان(هەدەپە)و ژمارەیەك پەرلەمانتاری ئەو پارتەیان دەستگیركرد.

بە ڕاپۆرتی ئاژانسی هەواڵی مێهر؛ بەرەبەیانی ئەمڕۆ فیگەن یوكسەكداغ، هاوسەرۆكی پارتی دیموكراتی گەلان لە شوێنی نیشتەجێبوونی خۆی لە ئەنقەرە دەستگیركراوە و هاوکات سەڵاحەدین دەمیرتاش سەرۆکی دیکەی هەدەپە لە ماڵەكەی خۆی لە ئامەد دەستگیركراوە.

ئامادۆڵۆ نووسی: هۆكاری دەستگیركرانی بەرپرسانی هەدەپە ئەوە بووە كە دەمیرتاش و یوکسەکداغ رەتیانكردووەتەوە لەبەردەم داواكاری گشتیی ئامەد ئامادەبن ‌و وتەی خۆیان لە پڕۆسەی لێكۆڵینەوەی دۆسیەیەكی تایبەت بە "تیرۆر" پێشكەش بكەن.

لەگەڵ هاوسەرۆكانی هەدەپەدا، هەر یەك لە ئیدریس بالوكەن، جێگری سەرۆكی فراكسیۆنی هەدەپە، فەرهاد ئەنجوو، لەیلا بیرلیك، سەلما ئیرماك، عەبدوڵا زەیدان، سیری سوورەیا ئۆندەر، زەیا بیر، گولسەر یڵدرم و نورسەل ئەیدۆغان پەرلەمانتارانی هەدەپە دەستگیركراون.

هاوسەرۆكانی هەدەپە، لە ژێر یاسای دژە تیرۆری توركیادا دۆسییەیەكیان بۆ كراوەتەوە و پاش هەڵگرتنی پارێزبەندی پەرلەمانتاری-یان داوایان لێكراوە كە لە دادگا ئامادەبن، بەڵام ئەوان لە حوزەیرانی ئەمساڵدا رەتیانكردەوە كە ئەو كارە بكەن.

News Code 6333

نیشانەکان

بۆچوونی ئێوە

You are replying to: .
  • 3 + 13 =