جان کری: ئێران پێبه‌ند بووه‌ به‌ هه‌موو خاڵه‌کانی به‌رجامه‌وه‌

وه‌زیری ده‌ره‌وه‌ی ئه‌مریکا به‌ ئاماژه‌ به‌ پێبه‌ند بوونی ئێران به‌ ڕێککه‌وتنی ناڤۆکی، وتی: ئه‌م ڕێککه‌وتنه‌ به‌ری به‌ شه‌ڕێکی وێرانکه‌ر گرت.

به‌ ڕاپۆرتی ئاژانسی مێهر له‌ ڕۆژنامه‌ی واشنتۆن پۆست، جان کری، وه‌زیری ده‌ره‌وه‌ی ئه‌مریکا به‌ پشتیوانی کردن له‌ کاری دیپلۆماتیک، وتی: ئێران پێبه‌ند بووه‌ به‌ هه‌موو خاڵه‌کانی به‌رجام که‌ ساڵی پێشوو واژۆ کرا، ئه‌م ڕێککه‌وتنه‌ به‌ری به‌ شه‌ڕێکی وێرانکه‌ر گرت.

کری له‌ ڕێوڕه‌سمی وه‌رگرتنی ئه‌نیستیتۆ چاته‌م هاوس وتی: من له‌ جێگه‌ی ئه‌وه‌ی خۆم ڕاده‌ستی بژارده‌ی شه‌ڕ بکه‌م، هه‌وڵم داوه‌ که‌ له‌ دوای لێکتێگه‌یشتن و ڕێککه‌وتنی دیپلۆماتیک بم که‌ زۆرکه‌س شتی وه‌ها به‌ مێشکیاندا نایه‌ت.

شایانی باسه‌ که‌ خه‌ڵاتی چاته‌م هاوس به‌ هاوبه‌شی به‌ مه‌حه‌مه‌د جه‌واد زه‌ریف، وه‌زیری ده‌ره‌وه‌ی ئێران و جان کری، وه‌زیری ده‌ره‌وه‌ی ئه‌مریکا به‌خشرا.

ئه‌م ڕێککه‌وتنه‌ که‌ ساڵی پێشوو واژۆ کرا له‌ لایه‌ن کۆنگرێسی ئه‌مریکا و زایۆنییه‌کان و چه‌ند وڵاتێکی که‌نداوی فارسه‌وه‌ به‌ توندی ڕه‌ت کرایه‌وه‌.

فلیپ هامۆند، سه‌رۆکی خه‌زانه‌داری بریتانیاش له‌ ڕێوڕه‌سمی خه‌ڵاتی چاته‌م هاوس وتی: ئه‌م ڕێککه‌وتنه‌ ده‌ستکه‌وتێکی یه‌کجار گه‌وره‌یه‌ بۆ دیپلۆماسی مودێڕن و ئه‌مریکا هاوکات شه‌ڕی سێ به‌ره‌ی دژ به‌م ڕێککه‌وتنه‌ی ده‌کرد.

جان کری له‌ درێژه‌دا باسی له‌ محه‌مه‌د جه‌واد زه‌ریف کرد و وتی: ئه‌و به‌ڕاستی که‌سێكی دڵسۆزه‌ بۆ وڵاته‌که‌ی و به‌ سه‌ختی بۆ به‌رژوه‌ندییه‌کانی وڵاته‌که‌ی شه‌ڕ ده‌کات.

ئه‌و هه‌روه‌ها جه‌ختی کرد: ئێران هه‌موو به‌نده‌کانی ڕێککه‌وتنه‌که‌ی به‌جێ هێناوه‌، ئێمه‌ش هه‌روه‌ها ئه‌م هه‌وڵه‌مان داوه‌، به‌ڵام بڕێک بانکی ئه‌ورووپایی هێشتا ده‌ترسن که‌ کار له‌گه‌ڵ ئێران بکه‌ن.

News Code 6270

نیشانەکان

بۆچوونی ئێوە

You are replying to: .
  • 7 + 3 =