بە ڕاپۆرتی ئاژانسی هەواڵی مێهر، ئیلهام ئەحمەد هاوسەرۆکی بازنەی پێوەندییەکانی دەرەوەی ئیدارەی خۆسەری کوردی سووریا لە لێدوانێک بۆ گۆڤاری "المجلە"، سەبارەت بە دوورنوێنی هێزەکانی سووریای دیموکراتیک(هەسەدە) لە داهاتووی سووریادا وتی: ئەو بابەتە لە چوارچیوەی دانوستانەکدا تاوتوێ دەبێت و بەپێی راگەیاندنی دەستووری سووریا، ئەرتەش لە کتیبەگەلێک پێک دێت، کەواتە دەکرێت کەتیبەگەلێک لە هەسەدەشدا ئامادە بن و بێگومان یەکینە و کۆمیتەگەلی هاوبەشیش پێک دێن. بەڵام بەو هۆیەی لە قۆناغی گواستنەوەیی داین، ڕەوتی ئاوێتەبوون دەبێ پەیتایی و بەدوور لە پەلەکردن بێت.
ناوبراو هەروەها لە پێشنیارە دراوەکان بە کوردی سووریا لە میانەی دانوستانەکان لەگەڵ دەوڵەتی سووریا لە لایەن هەندێک وڵاتەوە و لەوان پێدانی پۆستی باڵای دەوڵەتیی وەک پۆستی وەزارەتی بەرگری یان سەرۆکایەتی ئەرکانی ئەرتەشی سووریا بە مەزلووم کۆبانی فەرماندەی گشتیی هەسەدە هەواڵی دا و وتیشی: سەرەڕای بوونی ئاوەها پێشنیارگەلێک، ئەوی بۆ ئێمە گرینگتر لە پۆستە کەسێنییەکان بوو، پاراستنی پێگەی ناوچەیی ژێر کۆنتڕۆڵی ئێمە و هاوبەشی لە ئیدارەی دیمەشق بوو؛ هاوبەشییەک کە هەڵگری ڕەنگدانەوەی فرەچەشنیی فەرهەنگی سووریا بێت.
Your Comment