هێزەکانی سوپای هێندوستان که‌وتنه‌ حاڵه‌تی ئاماده‌ باشیه‌وه‌

فڕۆکه‌کانی سوپای هێند به‌ مه‌به‌ستی ئانجام دانی چه‌ند ئۆپراسیۆنێکی دیاری کراو له‌ بنکه‌یه‌کی سه‌ربازی له‌ نزیک وڵاتی پاکستان جێگیر کران.

به‌ ڕاپۆرتی ئاژانسی مێهر له‌ ڕۆژنامه‌ی پاکستان، دوای ئه‌وه‌ی تیرۆریسته‌کان له‌ ناوچه‌ی "ئۆری" سه‌ر به‌ کشمـیر هێرشیان کرده‌ سه‌ر ناوه‌ندی فه‌رمانده‌یی هێند و ۱۷ هێزی سه‌ربازیی سوپای هێند کوژران، سوپای هێندوستان فڕۆکه‌ شه‌ڕکه‌ره‌کانی خۆیی له‌ بنکه‌یه‌کی سه‌ربازی له‌ نزیک سنووری پاکستان جێگیر کرد.

ده‌وترێت که‌ ئه‌م فڕۆکانه‌ به‌ مه‌به‌ستی پێکاندنی چه‌ند ئامانجێکی دیاری کراو له‌ ناو خاکی پاکستان له‌م بنکه‌ سه‌ربازییه‌دا جێگیر کراون.

هه‌روه‌ها سوپای پاکستان که‌وتووه‌ته‌ حاڵه‌تی ئاماده‌ باشی ته‌واو و نه‌واز شه‌ریف، سه‌رۆک وه‌زیرانی پاکستان له‌ گفتوگۆیه‌کی ته‌له‌فوونی له‌گه‌ڵ "ڕاحیل شه‌ریف"، فه‌رمانده‌ی سوپای پاکستان له‌ ئاماده‌یی سوپای ئه‌م وڵاته‌ بۆ وڵام دانه‌وه‌ به‌ هێند، دڵنیا کراوه‌ته‌وه‌.

له‌ لایه‌کی دیکه‌وه‌ کۆمپانیای فڕۆکه‌وانی پاکستان (PIA) هه‌ر هه‌موو گه‌شته‌ ئاسمانییه‌کانی خۆیی له‌م سنووره‌دا ڕاگرتووه‌ و داوای لێبوردنی له‌ موسافره‌کانی ئه‌م گه‌شتانه‌ کردووه‌.

شایانی باسه‌ که‌ نه‌واز شه‌ریف، بڕیار وایه‌ که‌ ئه‌مڕۆ له‌ کۆبوونه‌وه‌ی جیهانی نه‌وته‌وه‌ یه‌کگرتووه‌کان سه‌باره‌ت به‌ کێشه‌ی کشمیر قسه‌ بکات. له‌ ماوه‌ی دوو مانگی ڕابردوودا زیاتر له‌ ۸۰ که‌س له‌ موسوڵمانه‌کانی کشمیر به‌ ده‌ستی هێزه‌کانی سوپای هێند کوژراون و زیاتر له‌ ۱۲۰ که‌سی دیکه‌ش به‌ هۆی گوله‌ی ساچمه‌یه‌وه‌ کوێر بوون.

شایانی باسه‌ که‌ سه‌رۆک وه‌زیرانی پاکستان سه‌باره‌ت به‌ قه‌یرانی کشـمیر له‌گه‌ڵ جان کری وه‌زیری ده‌ره‌وه‌ی ئه‌مریکا دیدار و گفتوگۆی کردووه‌.

News Code 5549

نیشانەکان

بۆچوونی ئێوە

You are replying to: .
  • 1 + 1 =