وەزارەتی دەرەوەی ئێران: قسەکانی ترامپ، نیشانەی ڕوانگەی فریودەرانەی ئەمریکا هەمبەر ناوچەکەیە

بە ڕاپۆرتی ئاژانسی هەواڵی مێهر، بەیاننامەی وەزارەتی دەرەوەی ئێران سەبارەت بە قسەکانی سەرۆک کۆماری ئەمریکا:

وەزارەتی دەرەوەی ئێران قسەکانی سەرۆک کۆماری ئەمریکا هاوپەیوەند بە ئێرانی وەکوو پاگەندەی درۆ، ئاژاوەگێڕانە و لادەرانە ئیدانە کرد.

لە حاڵێکدا کە ئیسرائیل بە نوێنەرایەتی لە ئەمریکا خەریکی کۆمەڵکوژی لە فەلەستینە و بەردەوام خەریکی پێشێل کردنی سەروەری و یەکپارچەیی خاکی سووریا، لوبنان و یەمەنە، سەرۆک کۆماری ئەمریکا بە پڕڕووییەوە ئیران بە بەرپرسی کاولکاری ئەو وڵاتانە دەناسێنێت.

ئەمریکا ئەو قسانە بە ئامانجی کاریگەری لەسەر کارەساتی کۆمەڵکوژی لە غەززە و شاردنەوەی جەنایەتەکانی ئیسرائیل لە لوبنان، سووریا و یەمەن دەکات و نیشانەیەکی دیکە ڕوانگەی فریودەرانەی سیاسەتوانانی ئەمریکا نیسبەت بە گەلانی ناوچەکە و داکۆکی لەسەر ڕێگری لە وەڵامدەر کردنی ئەو ڕژێمە بە بۆنەی جەنایەتەکانی لە دژی گەلانی ناوچەکەیە.

قسەکانی ترامپ، بە هیچ لەونێک ناتوانێت کێشەیەک لە دۆستایەتی نێوان گەلی ئێران لە ناوخۆ و پێوەندیان لەگەڵ دەرەوە دروست بکات. ئەو قسانە هەرگیز ئەو ڕاستییە ناگۆڕێت کە ئەمریکا لە چەندین ساڵی ڕابردوودا هەموو هەوڵی خۆی بۆ ڕێگری لە پێشكەوتن و گەشەی ئێران خستووەتە گەڕ و جگە لە پاڵپشتی هەمەلایەنە لە ئیسرائیل و هەروەها ڕژێمی جەنایەتکاری سەددام لە شەڕ دژی ئێران، بە سەپاندنی توندترین گەمارۆکان و گوشاری ئابووری-دارایی، بووە هۆی پشێێل کرانی مافی هەموو خەڵکی ئێران.