به‌رخۆدان له‌ تارانه‌وه‌ تاکوو سه‌نعا و به‌غدا درێژه‌ی ده‌بێت

دەبیری مەکۆی دیاری کردنی به‌رژه‌وه‌ندییه‌کانی ئێران له‌ کۆڕێکدا جه‌ختی کرد: بازنه‌ی به‌رخۆدان هه‌ر له‌ شه‌قامه‌کانی تارانه‌وه‌ تاکوو سه‌نعا و به‌غدا درێژه‌ی ده‌بێت.

به‌ ڕاپۆرتی ئاژانسی مێهر، موحسن ڕه‌زایی دوێنێ له‌ میانه‌ی ڕێوڕه‌سمی یادی شه‌هیدانی ئێرانی وتی: داعش فڕۆکه‌وانه‌کان له‌ قه‌فه‌س ده‌کات و دواتر به‌ به‌نزین ئاگری ده‌دات، به‌ڵام شۆڕشه‌که‌ی ئێمه‌ لاینگری ئاشتی و به‌رگری له‌ به‌رانبه‌ر سته‌م بووه‌.

ئه‌و زیادی کرد: ئه‌وانه‌ی دژایه‌تی ئێران ده‌که‌ن ڕوونه‌ که‌ به‌ پشتیوانی سعوودیه‌ و ئه‌مریکا ئه‌نجامی ده‌ده‌ن. تێچووی پیلانه‌کانیشیان عه‌ره‌بستان له‌ ئه‌ستۆی گرتووه‌. ئه‌وه‌ی جێگه‌ی تێڕامانه‌ ئه‌مه‌یه‌ که‌ ئه‌مریکا خۆی نایه‌وێت دژایه‌تی ئێران بکات و عه‌ره‌بستانی خستووه‌ته‌ به‌ر.

ڕه‌زایی وتی: سوپای ته‌واوی ناوچه‌که‌ تووشی شه‌ڕ له‌گه‌ڵ خه‌ڵکی خۆیان بوون، به‌ڵام ئێران به‌رده‌وامه‌ له‌ پێکانی ئامانجه‌کانی خۆیی چون خه‌ڵک پشتیوانیه‌تی. ئێسته‌ دوژمنه‌کان که‌ له‌ ڕووخاندنی حکومه‌ته‌که‌ی ئه‌سه‌د شکستیان هێناوه‌، ئامانجیان ئه‌وه‌یه‌ که‌ پیلان له‌ دژی ئێران بگێڕن.

ئه‌و سه‌باره‌ت شه‌هیده‌کانی ئێران وتی: ئه‌م که‌سانه‌ی که‌ شه‌هید ده‌بن ڕاسته‌وخۆ ئاسایش بۆ ئێمه‌ دابین ده‌که‌ن.

ئه‌و وتی: بازنه‌ی به‌رخۆدان هه‌ر له‌ شه‌قامه‌کانی تارانه‌وه‌ تاکوو سه‌نعا و به‌غدا درێژه‌ی ده‌بێت.

دەبیری مەکۆی دیاری کردنی به‌رژه‌وه‌ندییه‌کانی ئێران له‌ کۆتاییدا وتی: بۆ ئه‌وه‌ی په‌ره‌ به‌ ئابووری و زانست و ته‌کنۆلۆژیا بده‌ین ده‌بێت هه‌وڵی ماندوونه‌ناسانه‌ بده‌ین. به‌رپرسانی ئێمه‌ ده‌بێت ڕێکاری باش بۆ ڕه‌خساندنی هه‌لی کار بدۆزنه‌وه‌.

News Code 5074

نیشانەکان

بۆچوونی ئێوە

You are replying to: .
  • 1 + 1 =