کاردانەوەی ده‌میرتاش بە کۆمەڵکوژی غازی عەنتاب

هاوسه‌رۆكی پارتی دیموكراتی گه‌لان رایگه‌یاند "كۆمه‌ڵكوژی دیلۆك (غازی عەنتاب)مێژووێكی ره‌شی تۆماركرد له‌ دڕنده‌یی چه‌ته‌كان و تیرۆریستان كه‌ بێویژدانانه‌ هێرشیان كرده‌ سه‌ر ئاهه‌نگێك".

بە ڕاپۆرتی ئاژانسی هەواڵی مێهر، ئەمڕۆ شەمە سەلاحەددین دەمیرتاش هاوسەرۆکی هەدەپە بریندارەکانی تەقینەوە خۆکوژیەکەی غازی عەنتابی بەسەر کردەوە.

دەمیرتاش لە لێدوانێکی ڕۆژنامەوانیدا وتی: "ئه‌م كۆمه‌ڵكوژییه‌ یه‌كه‌مین و دوایین كۆمه‌ڵكوژی نابێت. "

 وتیشی: "تیرۆریستان ده‌سته‌وسان نابن، بۆیه‌ ئاگره‌كه‌ی دیلۆك ته‌نیا ئه‌م شوێنه‌ی نه‌گرته‌وه، به‌ڵكوو ته‌شه‌نه‌ ده‌كات بۆ هه‌موو شوێنێكی دیكه. ئه‌م كۆمه‌ڵكوژییه‌ هیچ جیاوازییه‌كی نییه‌ له‌گه‌ڵ كۆمه‌ڵكوژی سوروچ و ئامه‌د و ئه‌نقه‌ره‌".

ئه‌وه‌شی وت "ئه‌و زیهنییه‌ته‌ی كۆمه‌ڵكوژییه‌كه‌ی دیلۆكی ئه‌نجامدا، ئاماده‌یه‌ هاوشێوه‌ی ئه‌م كۆمه‌ڵكوژییه‌ له‌ شوێنێكی دیكه‌و به‌شێوازێكی دیكه‌ش دووباره‌ بكاته‌وه‌".

شەوی ڕابردوو له‌ گه‌ڕه‌كی به‌یباخچه‌ی شارۆچكه‌ی شاهینبه‌ی سه‌ر به‌ شاری دیلۆك (غازی عەنتاب) کە ناوچەیەکی کوردنشینە، خۆکوژێک تەقینەوەیەکی ئەنجام دا کە ئاهەنگێکی بووک گواستنەوەی کردبووە ئامانج.

لە ئاکامی ئەو تەقینەوە ۵۰ كه‌س  لەوانە بووک و زاواکە کوژران و نزیكەی ۱۰۰ كه‌سی دیكه‌ش برینداربوون.   

News Code 4962

نیشانەکان

بۆچوونی ئێوە

You are replying to: .
  • 9 + 3 =