بۆچوونه‌کانی ئیمام شافعی باشترین نمانە لە پرسە ده‌سه‌ڵاتداریەکانە

نوێنه‌ری باڵای ڕێبه‌ری ئێران له‌ کوردستان وتی: مامۆستایانی دینی نابێت به‌ نیسبه‌ت حکوومه‌ت و سیاسته‌وه‌ بێ ده‌نگ بن و له‌م ڕێگه‌یشدا ئیمامی شافعی ده‌توانێت باشترین نموونه‌ بێت.

به‌ ڕاپۆرتی ئاژانسی مێهر له‌ په‌یوه‌ندییه‌ گشتییه‌کانی نوێنه‌ری ڕێبه‌ری باڵای ئێران له‌ پارێزگای کوردستان، ئایه‌توڵا سه‌ید محه‌مه‌د حسه‌ینی شاهروودی له‌ هه‌شته‌مین پێش کۆنگره‌ی ئیمامی شافعی له‌ شاری کامیاران وتی: له‌ دایک بوون و کۆچی دوایی ئیمامی شافعی و ئیمامی ڕه‌زا نزیک به‌ یه‌ک بووه‌ و هه‌ر دووکیان له‌ یه‌ک سه‌رده‌مدا ژیاون، به‌ڵام ئه‌وه‌ی که‌ گرنگتره‌ ئه‌مه‌یه‌ که‌ ئێمه‌ به‌ڕاستی که‌سایه‌تی و بۆچوونی پیاوه‌ گه‌وره‌کانی جیهانی ئیسلام بناسین.

ئه‌و سه‌باره‌ت به‌ ئیمامی شافعی وتی: ئیمام شافعی باوکی قوڕه‌یشی بووه‌ و دایکی له‌ سه‌یەده‌کانی هاشمـی بووه‌، هه‌ر له‌ منداڵیه‌وه‌ ده‌بێته‌ حافزی قورئان و له‌ میانه‌ی ژیانی پڕ له‌ تێکۆشانی خۆیدا فتوای زۆری به‌ پێی ئایه‌تەکانی قورئان داوه‌.

به‌رپرسی ناوه‌ندی گه‌وره‌ی ئیسلامی ڕۆژئاوای وڵات وتی: گه‌ر ئێمه‌ له‌ بۆچوونه‌کانی ئیمامی شافعی بڕوانین، تێده‌گه‌ین له‌ سه‌رده‌می ئه‌واندا کێشه‌گه‌لێک بووه‌ که‌ بۆ چاره‌سه‌ر کردنیان هه‌وڵی داوه‌، ئه‌مڕۆش به‌ جۆرێک له‌ جیهانی ئیسلامدا کێشه‌کان سه‌ریان هه‌ڵداوه‌.

ئایه‌توڵا حسه‌ینی شاهرودی زیادی کرد: یه‌کێک له‌ کێشه‌کانی ئێستا بوونی ئه‌و حاکمانه‌یه‌ له‌ جیهانی ئیسلامدا که‌ به‌ پێی سته‌مکاری و قسه‌ی زۆر وتن و دیکتاتۆری حکوومه‌ت ده‌که‌ن. کاتێک حاکمێک به‌ پوڵ ڕاکه‌ی ده‌گۆڕێت و له‌ سته‌مکاره‌کان ده‌ترسێت و گوێ به‌ خه‌ڵکه‌که‌ی خۆی نادات، ئیتر چاوه‌ڕوانی چی له‌م که‌سانه‌ له‌ کۆمه‌ڵاگی ئیسلامیدا بین.

ئه‌و وتی: ئیمامی شافعی له‌ میانه‌ی ژیانی پڕ له‌ خوێندن و تێکۆشانی خۆی له‌گه‌ڵ بۆچوونه‌ نادینی و نایاساییه‌کانی حاکمه‌ عه‌باسییه‌کان شه‌ڕی کرد و له‌ ڕه‌زم و چاکه‌ سواریدا که‌سێکی به‌ توانا بوو، له‌ ڕووی فیقه‌ و فتواشه‌وه‌ سه‌ره‌تا هه‌موو بۆچوونه‌ جیاوازه‌کانی که‌سایه‌تییه‌ دینییه‌کانی ده‌خوێنده‌وه‌ و دواجار به‌ پێی قورئان باشترین فەتوای ڕاده‌گه‌یاند.

ئه‌و زیادی کرد: مامۆستایانی دینی ناتوانن سه‌باره‌ت به‌ سیاسه‌ت و حکومه‌تی ئیسلامی بێ لایه‌ن بن و باشترین نموونه‌ش بۆ ئه‌م بابه‌ته‌ خودی ئیمامی شافعییه‌. ئه‌گه‌ر بۆچوونه‌کانی ئیمامی شافعی سه‌باره‌ت به‌ ده‌سه‌ڵاتداری ئیسلامی ببێته‌ جێگه‌ی سرنج، بێ گومان جیهانی ئیسلام به‌هێزتر و سه‌ربه‌رزتر ده‌بێت و ڕۆژ له‌ دوای ڕۆژ پێگه‌ی موسوڵمانه‌کان به‌رزتر ده‌بێته‌وه‌.

ئایه‌توڵا شاهروودی له‌ کۆتاییدا له‌ پێشوازی خه‌ڵکی ناوچه‌که‌ له‌ ڕێوڕه‌سمه‌کانی تایبه‌ت به‌ ئیمامی شافعی ڕێزی گرت و جه‌ختی کرد: پێویسته‌ خه‌ڵکی هه‌رچی زیاتر و وردتر ئیمامی شافعی و بۆچوونه‌کان و که‌سایه‌تی ئه‌م پیاوه‌ گه‌وره‌یه‌ بناسن.

News Code 4888

نیشانەکان

بۆچوونی ئێوە

You are replying to: .
  • 3 + 15 =