بە ڕاپۆرتی ئاژانسی هەواڵی مێهر، مەردان یانارداغ ڕۆژنامەوانی ڕەخنەگری تورکیا کە دوابەدوای قسە کردنی سەبارەت بە عەبدوڵڵا ئۆجالان لە تەلەڤیزیۆن قسەی کردبوو، بە حوکمی دادگا ڕەوانەی زیندان کرا.
ناوبراو چەند ڕۆژ پێش بە ڕەخنە لە گۆشەگیری ئۆجەلان وتبووی: دوورەپەرێز کدنی زۆرەملیی ئۆجالان یاسایی نییە و ئەبێ ئازاد بکرێت. ئەو کەسایەتییەکی گەورە و خوێندەوارە. لە سیاسەت تێدەگات و کەسێکی زیرەکە.
دادستێنی گشتی ئەستەنبۆل دەستبەجێ دوای بڵاو بوونەوەی ئەو پرۆگرامە، دۆسیەیەکی دادوەریی لە دژی ناوبراو پێک هێنا و بە بانگەشە بۆ ڕێکخراوی تیرۆریستی تاوانبار کرا و داوای لە دادگا کردن کە سزا بدرێت.
یانارداغ لە دادگا وتوویە کە من بانگەشەم بۆ هیچ ڕێکخراوێکی تیرۆریستی نەکردووە بەڵکوو لە سەر ئەوەی کە ئەردۆغان دەیەوێت بە دانوستان لەگەڵ ئۆجەلان کەشی سیاسی تورکیا بگۆڕێت، قسەم کردووە.
Your Comment