۲۰ ڕێکخراوه‌ی ده‌وڵه‌تی و سه‌ربازی ڕووسیا هاک کران

وڵاتی ڕووسیا که‌ له‌ چه‌ند ڕۆژی پێشوو له‌ لایه‌ن واشنتۆنه‌وه‌ به‌ سیخۆڕی کردنی ئینترنتی و هه‌وڵ بۆ ده‌ستێوه‌ردان له‌ هه‌ڵبژاردنه‌کانی ئه‌مریکا تۆمه‌تبار کرا، ئێستا خۆی بووه‌ته‌ قوربانی هاکرەکان.

به‌ ڕاپۆرتی ئاژانسی مێهر له‌ ڕۆیترز، ڕێکخراوی ئاسایشی فدراڵی ڕووسیا له ڤایرووسی بوون و هێرشی هاکری بۆ سه‌ر تۆڕه‌ ئینترنیه‌تییه‌کانی ۲۰ ڕێکخراوی ده‌وڵه‌تی و سه‌ربازی ئه‌م وڵاته‌ هه‌واڵی دا.

ئه‌و ویروسانه‌ و ئه‌و ڕێگانه‌ی که‌ له‌م دواییه‌دا دزه‌یان کردووه‌ته‌ نێو تۆڕی ئینترنتی ڕێکخراوه‌کانی ڕووسیا، له‌و هێرشانه‌ی پێشوو ده‌چێت که‌ له‌ کاتی سیخۆڕی کردن له‌ هێڵه‌ ئینترنتییه‌کانی ڕووسیا کراوه‌ته‌ سه‌ر ئه‌م وڵاته‌.

به‌م حاڵه‌شه‌وه‌ ڕێکخراوی ئاسایشی فدراڵی ڕووسیا تاکوو ئێسته‌ هیچ وڵاتێکی تۆمەتبار نه‌کردووه‌، ئه‌گه‌رچی مسکۆ چه‌ند ڕۆژ پێش ئێستا له‌ لایه‌ن واشنتۆنه‌وه‌ تۆمه‌بار کرا که‌ له‌ لایه‌ن ده‌وڵه‌تی ڕووسیاوه‌ هاک کراوه‌. حزبی دیموکڕاتی ئه‌مریکا ڕووسیای توانبار کردووه‌ که‌ بۆ ئه‌وه‌ی کاریگه‌ری بخاته‌ سه‌ر ڕه‌وتی هه‌ڵبژاردنه‌کانی ئه‌مریکا ئیمیله‌که‌ی هیلاری کلینتۆنی له‌ به‌رژه‌وه‌ندی دۆناڵد ترامپ هاک کردووه‌.

ڕێکخراوی ئاسایشی فدراڵی ڕووسیا له‌ ڕاگه‌یه‌ندراوه‌که‌ی خۆیدا ئاماژه‌ی داوه‌ که‌ سه‌رچاوه‌ ته‌کنۆلۆژیاییه‌کانی ده‌وڵه‌ت، ناوه‌نده‌ زانستی و سه‌ربازی و به‌رگرییه‌کان و ڕێکخراوه‌کانی دیکه‌ی ڕووسیا به‌ر ئه‌م هێرشه‌ که‌وتوون.

هه‌روه‌ها له‌م ڕاگه‌یه‌ندراوه‌دا هاتووه‌: ویرووسی به‌ کار هاتوو بۆ ئه‌م هێرشه‌، ئه‌م ده‌رفه‌ته‌ی به‌ هه‌کره‌کان داوه‌ تاکوو به‌ دووربین و میکرۆفۆن سیخۆڕی له‌ چالاکی فه‌رمانبه‌ره‌کانی ڕووسیا بکه‌ن و له‌ به‌ڵگه‌ ده‌وڵه‌تییه‌کان وێنه‌ بگرن و به‌ دزیه‌وه‌ قسه‌ی به‌رپرسانی ئه‌م وڵاته‌ تۆمار بکه‌ن.

News Code 4578

نیشانەکان

بۆچوونی ئێوە

You are replying to: .
  • 3 + 15 =