ترسم له‌ ڕاده‌ست بوونه‌وه‌ نییه‌/له‌گه‌ڵ واشنتۆن هاوکاری ده‌که‌م

فه‌تحوڵا گوله‌ن که‌ تۆمەتبارە بەوە ده‌ستی بووه‌ له‌ کوده‌تای ئه‌م دواییه‌ی تورکیا، له‌ میانه‌ی لێدوانێکیدا وتی که‌ له‌ ڕاده‌ست بوونه‌وه‌ ناترسێت و بۆ ئه‌م کاره‌ش هاوکاری ده‌وڵه‌تی ئه‌مریکا ده‌کات.

به‌ ڕاپۆرتی ئاژانسی میهر له‌ کاناڵی ڕاشا توده‌ی، فه‌تحوڵا گوله‌ن که‌ ئه‌نقه‌ره‌ ئه‌وی به‌ ده‌ستێوه‌ردانی کوده‌تاکه‌  تۆمەتبار کردووه‌، له‌ میانه‌ی قسه‌کانی خۆیدا ڕایگه‌یاند که‌ له‌ ڕاده‌ست بوونه‌وه‌ به‌ تورکیا ناترسێت.

به‌ پێی ئه‌م ڕاپۆرته‌، فه‌تحوڵا گوله‌ن وتی: سه‌باره‌ت به‌ ڕاده‌ست بوونه‌وه‌م له‌ لایه‌ن ئه‌مریکاوه‌ نیگه‌رانی هیچ نیم. من له‌گه‌ڵ به‌رپرسانی ئه‌مریکایی له‌م ڕووه‌وه‌ هاوکاری ده‌که‌م.

ئه‌و له‌ درێژه‌ی قسه‌کانی خۆی جه‌ختی کرد: ده‌وڵه‌تی ئه‌مریکا تاکوو ئێسته‌ سه‌باره‌ت به‌ ڕاده‌ست کردنی به‌ فه‌رمی هیچی به‌ ده‌وڵه‌تی تورکیا نه‌وتووه‌. ڕوونه‌ که‌ قسه‌ کردن له‌مباره‌وه‌ ده‌چێته‌ خانه‌ی سیاسه‌ته‌وه‌.

گوله‌ن زیادی کرد: من ده‌یان جار کوده‌تام ئیدانه‌ کردووه‌ و به‌ هیچ شێوه‌یه‌ک له‌م کوده‌تایه‌دا ده‌ستم نه‌بووه‌ و ئه‌مش به‌ دڵنیایه‌وه‌ ده‌ڵێم.

شایانی باسه‌ که‌ ده‌وڵه‌تی تورکیا فه‌تحوڵا گوله‌ن و ڕێکخراوه‌که‌ی ئه‌و، تاوانبار کراون که‌ کوده‌تاکه‌ی ئه‌م دواییه‌ی تورکیا له‌ لایه‌ن ئه‌وانه‌ ئه‌نجام دراوه‌.

به‌ هۆی کوده‌تاکه‌ی ۱۵ی ژووئیه‌ لانی که‌م ۲۴۶ که‌س کوژراون و زیاتر له‌ ۲۱۰۰ که‌سیش له‌ میانه‌ی ئاڵۆزییه‌کان بریندار بوون.

News Code 4558

نیشانەکان

بۆچوونی ئێوە

You are replying to: .
  • 2 + 1 =