چێ کردنی شارۆچکه‌ی پیشه‌یی سه‌رمایه‌دانه‌ریی هه‌رێمی کوردستان له‌ ئێران

جێگری ڕێکخراوی پیشه‌ بچووک و شارۆچکه‌ پیشه‌ییه‌کانی ئێران له‌ چێ کردنی شارۆچکه‌ی پیشه‌یی سه‌رمایه‌دانه‌ری هه‌رێمی کوردستان له‌ ئێران هه‌واڵی دا.

به‌ ڕاپۆرتی ئاژانسی مێهر، غوڵامڕه‌زا سولەیمانی دوێنێ چوارشه‌مه‌ له‌ ڕێوڕه‌سمی ناساندنی به‌ڕێوه‌به‌ری گشتی شارۆچکه‌ پیشه‌ییه‌کانی کوردستان له‌ سنه‌ وتی: له‌ ئازه‌ربایجانی ڕۆژئاوا و ڕۆژهه‌ڵات شارۆچکه‌ی پیشه‌یی تایبه‌ت به‌ سه‌رمایه‌دانه‌ره‌ تورکیاییه‌کان دروست کراوه‌ و ده‌کرێت ئه‌م کاره‌ش له‌ پارێزگای کوردستان بۆ هه‌رێم ئه‌نجام ببێت.

ئه‌و جه‌ختی له‌ دروست کردنی شارۆچکه‌ی پیشه‌یی تایبه‌ت به‌ سه‌رمایه‌دانه‌ره‌کانی هه‌رێمی کوردستان له‌ ئێران کرد و وتی: جۆری کاره‌که‌ش به‌م شێوه‌ ده‌بێت که‌ دیزاین و ئه‌ندازیاری به‌رهه‌مه‌ پیشه‌ییه‌کان له‌ کوردستانی ئێران ئه‌نجام ده‌بێت و کۆکردنەوەکەشی له‌ هه‌رێمی کوردستان.

ئه‌و وتی: چه‌ندین به‌رنامه‌ له‌ ده‌وڵه‌تی ڕۆحانیدا بۆ په‌ره‌دان به‌ گونده‌کان و ناوچه‌ تایبه‌ته‌ ئابوورییه‌کان له‌ وڵات نووسراوه‌ که‌ هیوادارین له‌م ده‌وڵه‌ته‌دا بێته‌ دی.

سولەیمانی وتی: یه‌کێک له‌و بابه‌ته‌ گرنگانه‌ی که‌ دتوانێت به‌ستێنی زیاتر بۆ هاتن و ڕاکێشانی سه‌رمایه‌دانه‌ره‌ بیانییه‌کان خۆش بکات، سه‌قامگیر کردنی دۆخی ئابووری وڵاته‌ که‌ له‌م ده‌وڵه‌ته‌دا کاری زۆری بۆ کراوه‌. 

سولەیمانی درێژه‌ی دا: تاکوو ئێسته‌ ۲۵۰ لێژنه‌ی بیانی هاتوونه‌ته‌ وڵات و چاوه‌ڕوان ده‌کرێت هه‌مووان له‌م هه‌له‌ که‌ ڕه‌خساوه‌ زیاترین که‌ڵک ببه‌ن. به‌داخه‌وه‌ له‌ پارێزگاکانی کوردستان و ئیلام چون به‌ستێنه‌کان ئاماده‌ نییه‌، له‌م ده‌رفه‌تانه‌ به‌ باشی که‌ڵک نه‌براوه‌. ده‌بێت هه‌وڵ بده‌ین تاکوو ئه‌م به‌ستێنانه‌ له‌ پارێزگای کوردستانیشدا ئاماده‌ ببێت.

جێگری ڕێکخراوی پیشه‌ بچووک و شارۆچکه‌ پیشه‌ییه‌کانی ئێران جه‌ختی کرد: تاکوو ئێسته‌ ئه‌م کارانه‌ بۆ چه‌ند پارێزگایه‌ک ئه‌نجام بووه‌ و له‌ داهاتوویه‌کی نزیکدا له‌ پارێزگای کوردستانیش ئه‌نجام ده‌بێت.

ئه‌و زیادی کرد: به‌داخه‌وه‌ له‌ ئێستادا ۲۱ کۆمپانیای شارۆچکه‌ پیشه‌ییه‌کانی ئێران زیانی ئابووریان بووه‌، ئه‌مه‌ له‌ حاڵیک دایه‌ که‌ له‌ ساڵی پێشوو ۴۰ ملیار تمه‌ن له‌ لایه‌ن ده‌وڵه‌ته‌وه‌ وه‌ک یارمه‌تی به‌م شارۆچه‌که‌ پیشه‌ییانه‌ دراوه‌، ئه‌مه‌ش بۆ ئه‌وه‌ ده‌گه‌ڕێته‌وه‌ که‌ پلانه‌کان به‌ پێی توانی پارێزگاکان دانه‌ڕێژراوه‌.

News Code 4548

نیشانەکان

بۆچوونی ئێوە

You are replying to: .
  • 3 + 1 =