فیلمه‌ نوێیه‌که‌ی جه‌کی جان بووه‌ پڕفرۆش‌ترین فیلمی باکس ئافیس

فیلمه‌ نوێیه‌که‌ی جه‌کی جان له‌ ژێر ناوی "شوێن که‌وتن" بووه‌ پڕفرۆش ترین فیلمی باکس ئافیس له‌ چین.

به‌ ڕاپۆرتی ئاژانسی مێهر له‌ واریه‌تی، فیلمی شوێن که‌وتن، فیلمێکی نوێ جه‌کی جانه‌ که‌ به‌ فرۆشی ۶۰ ملیۆن دۆلار له‌ ده‌ستپێکی نمایش دانه‌که‌ی، بووه‌ فیلمی ژماره‌ یه‌کی وڵاتی چین.

ئه‌م فیلمه‌ کۆمێدیان- ئاکشینه‌ له‌ چوار ڕۆژی یه‌که‌می نمایش دانی خۆیدا له‌ چین توانی باڵاترین ئاستی فرۆش تۆمار بکات.

ئه‌م فیلمه‌ پێنج شه‌مه‌ بۆ سینماکانی چین نێردرا و هه‌ر له‌ هه‌مان ڕۆژی یه‌که‌می نمایش دانه‌که‌ی ۱۴.۷ ملیۆن دۆلار فرۆشی هه‌بووه‌ و ڕۆژی هه‌ینی و شه‌مه‌ش فرۆشه‌که‌ی بۆ ۴۴ ملیۆن دۆلار به‌رز بۆته‌وه.

سه‌رکه‌وتنی ئه‌م فیلمه‌ نیشانی ده‌دات که‌ نه‌ک هه‌ر له‌ هێز و توانی ئه‌م ئه‌کته‌ره‌ به‌ناوبانگه‌ که‌م نه‌بووه‌ته‌وه‌ که‌ هێشتا زیاترین بینه‌ر بۆ لای خۆی ڕاده‌کێشێت، جه‌کی جان هه‌روه‌ها به‌رهه‌م هێنه‌ری ئه‌م فیلمه‌شی له‌ ئه‌ستۆ بووه. جه‌کی جان له‌ چه‌ند ساڵی ڕابردوودا به‌رنامه‌ی زۆری بۆ گۆڕینی سه‌رمایه‌دانه‌ره‌ سینه‌ماییه‌کان له‌ چیندا جێبه‌جێ کردووه‌ و چه‌ندین پڕۆژه‌ی نوێی ئه‌نجام داوه.

ئه‌م فیلمه‌ به‌ ده‌رهێنه‌ری ڕێنی هارلین که‌ ئێسته‌ چین به‌ ماڵی خۆی ناو ده‌بات، به‌رهه‌م هاتووه. هارلین فه‌نلاندییه‌ و به‌ واژۆ کردنی ڕێککه‌وتنێک له‌گه‌ڵ کۆمپانیای عه‌لی بابا پیکچێرز، فیلمی داهاتوی خۆی له‌ چین دروست ده‌کات.

جه‌کی جان بێجگه‌ له‌ ڕۆڵگێڕان و به‌رهه‌مهێنه‌ری ئه‌م فیلمه، فیلم نامه‌ی فیلمه‌که‌یشی نووسیوه. فێن بینگ بینگ و جانی ناکسێل له‌م فیلمه‌ و له‌ ته‌نیشت جه‌کی جان ڕۆڵیان گێڕاوه.  

ئه‌م فیلمه‌ بڕیار وابوو ۲۴ی دیسامبه‌ری ۲۰۱۵ نمایش بدرێت، به‌ڵام گۆڕدرا و خرایه‌ هاوینی ئه‌مساڵ.

News Code 4531

نیشانەکان

بۆچوونی ئێوە

You are replying to: .
  • 9 + 9 =