ڕێکەوتی هه‌ڵبژاردنی سه‌رۆک کۆماری ئێران ڕاگەیێندرا

دوای ڕه‌زامەندی شۆرای نیگابان، ڕاگه‌یه‌ندرا که‌ هه‌ڵبژاردنه‌کانی سه‌رۆک کۆماری ئێران ۲۹ی گوڵانی ساڵی داهاتوو (۱۳۹۶ی هه‌تاوی) به‌ڕێوه‌ ده‌چێت.

به‌ ڕاپۆرتی ئاژانسی مێهر، سه‌رچاوه‌یه‌کی ئاگادار له‌ شۆرای نیگابان، له‌ گفتوگۆ له‌گه‌ڵ هه‌واڵنێری مێهر ڕایگه‌یاند که‌ وه‌زاره‌تی ناخۆی ئێران پێشنیاری کردبوو که‌ هه‌ڵبژاردنی سه‌رۆک کۆماری ساڵی داهاتووی ئێران، ۲۹ی گوڵای ۱۳۹۶ هه‌تاوی به‌ڕێوه‌ بچێت و شۆرای نیگابانیش ئه‌م پێشنیاره‌ی قبووڵ کردووه‌.

ئه‌م بڕیاره‌ له‌ کۆبوونه‌وه‌ی ئه‌مڕۆی شۆرای نیگابانی ئێران و له‌ دوای نامه‌ ناردنی ئه‌م دواییه‌ی وه‌زیری ناخۆی ئێران گیراوه‌.

به‌ وته‌ی ئه‌م سه‌رچاوه‌ ئاگاداره‌، به‌ پێی یاسای بنه‌ڕه‌تی ئێران، شۆرای نیگابان سه‌باره‌ت به‌ هه‌ڵبژاردنی ئه‌نجومه‌نه‌کانی شار و گوندەکان به‌رپرسیاریه‌تی چاودێڕی نییه‌ و چاودێڕی به‌سه‌ر ئه‌م هه‌ڵبژاردنانه‌دا له‌ ئه‌ستۆی لێژنه‌ی ناوه‌ندی مه‌جلیسی شۆرای ئیسلامیه‌.

شۆرای نیگابان سه‌باره‌ت به‌ کاتی به‌ڕێوه‌ چوونی هه‌ڵبژاردنی ئه‌نجومه‌نی شاره‌وانی شاره‌کان بڕیارێکی نه‌داوه‌، به‌ڵام به‌ پێی یاسایه‌کی مه‌جلیسی شۆرای ئیسلامی ئێران هه‌ڵبژاردنی ئه‌نجومه‌نی شاره‌وانه‌ی شاره‌کان و گونده‌کان هاوکات له‌گه‌ڵ هه‌ڵبژرادنی سه‌رۆک کۆماری ئێران به‌ڕێوه‌ ده‌چێت که‌ ده‌بێت هه‌مان ۲۹ی گوڵانی ۱۳۹۵ی هه‌تاوی بێت.

  

News Code 4528

نیشانەکان

بۆچوونی ئێوە

You are replying to: .
  • 4 + 7 =