ئه‌گه‌ری هێرشی سه‌ربازی له‌ دژی ئێران هێشتا لە ئارادیە

دیموکڕاته‌کانی ئه‌مریکا هاوکات له‌گه‌ڵ ئه‌وه‌ی که‌ هیلاری کلینتۆنیان وه‌ک به‌ربژاری سه‌رۆک کۆمار هه‌ڵبژراد، ڕایانگه‌یاند که‌ له‌ ڕاپۆرتی کۆتایی ئه‌واندا هێشتا ئه‌گه‌ری هێرشی سه‌ربازی و گه‌ماڕۆدانی ئێران له‌ ئارا دایه‌.

به‌ ڕاپۆرتی ئاژانسی مێهر له‌ ڤۆکس، کۆبوونه‌وه‌ی چوار ڕۆژه‌ی دیموکڕاته‌کانی ئه‌مریکا بۆ ده‌ست نیشان کردنی به‌ربژاری کۆتایی بۆ هه‌ڵبژاردنی سه‌رۆک کۆماری ئه‌مریکا له‌ ۲۰۱۶ به‌ کۆتایی گه‌یشت و له‌م پڕۆسه‌دا هیلاری کلینتۆن به‌ ۲۳۸۳ ده‌نگ وه‌ک ڕکابه‌ری دۆناڵد ترامپ هه‌ڵبژێردرا.

ئه‌م کۆبوونه‌وه‌دا که‌ باراک ئۆباما، میشل ئۆباما، ئێلیزابێت وارن، جۆ بایدن و برنی سه‌ندرزیش تێیدا به‌شدار بوون، بێجگه‌ له‌ هه‌ڵبژاردنی هیلاری کلینتۆن، ده‌رنجامێکی دیکه‌شی هه‌بوو؛ حزبی دیموکڕات جارێکی دیکه‌ نوێترین ڕاپۆرتی کۆتایی خۆی سه‌باره‌ت به‌ داهاتووی ئه‌مریکا و جیهان بڵاو کرده‌وه.

ئه‌گه‌رچی ئه‌ندامانی حزبی دیموکڕات ناچار نین که‌ خاڵ به‌ خالی ئه‌م ڕاپۆرته‌ جێبه‌جێ بکه‌ن، به‌ڵام ئه‌م ڕاپۆرتانه‌ لانی که‌م سیاسه‌تی گشتی چوار ساڵی داهاتووی ئه‌م حزبه‌ ده‌خاته‌ به‌رده‌ست.

ئه‌م ڕاپۆرته‌ زۆر بابه‌تی ناخۆیی و وه‌ک که‌مرتین ئاستی مووچه، مافی دادگایی بوون، چاکسازی له‌ یاساکانی وال ستریت و کێشه‌کانی ژینگه‌ له‌ خۆ ده‌گرێت و دواجار باسی ئه‌گه‌ره‌کانی جیهانیش ده‌کات.

له‌ به‌شێکی ئه‌م ڕاپۆرته‌دا باسی ئیسڕائیلیش کراوه‌ و ئه‌گه‌رچی لاینگره‌ سۆسیال دیموکڕاته‌کانی سه‌ندرز داوایان کردووه‌ تاکوو به‌ر به‌ دروست کردنی شارۆچکه‌ له‌ ئیسڕائیل بگیردرێت، به‌ڵام له‌م به‌شه‌دا هیچ ئاماژه‌یه‌ک به‌م شته‌ نه‌کراوه.

له‌ به‌شێکی دیکه‌ی ئه‌م ڕاپۆرته‌ سه‌باره‌ت به‌ ئێران نووسراوه‌: ئێمه‌ له‌ ڕێککه‌وتنی ناڤۆکی پشتیوانی ده‌که‌ین چون ئه‌م ڕێککه‌وتنه‌ یه‌کجار توند و تۆڵه‌ و ڕێگه‌ به‌ ئێران نادات تاکوو ده‌ستی به‌ بۆمبی ناڤۆکی بگات.

له‌ درێژه‌ی ئه‌م ڕاپۆرته‌دا هاتووه‌: دیموکڕاته‌کان دژی قسه‌کانی ترامپن که‌ ڕێککه‌وتنه‌ ناڤۆکییه‌که‌ به‌ شتێکی لاواز وه‌سف ده‌کات.

به‌ڵام هاوکات جه‌ختیش ده‌که‌نه‌وه‌: ئه‌گه‌ر ئێران خه‌ونی ئه‌وه‌ی هه‌بێت که‌ بۆمبی ناڤۆکی هه‌بێت، ئه‌وانیش ده‌گه‌ڕێنه‌وه‌ بۆ ئه‌گه‌ری هێرشی سه‌ربازی بۆ سه‌ر ئێران.

که‌واته‌ ئه‌گه‌رچی دیموکڕاته‌کان هاوڕای ڕێککه‌وتنی ناڤۆکین، به‌ڵام هاوکات باسی ئه‌گه‌ری هێرشی سه‌ربازیش بۆ سه‌ر ئێران ده‌که‌ن.

ئاماژه‌ کردن به‌ ڕۆڵی ئێران له‌ ناسه‌قامگیر کردنی ناوچه‌که، تۆمه‌تی یارمه‌تی گه‌یاندن به‌و گرووپانه‌ی که‌ له‌ نیگای ئه‌مریکادا تیرۆریستن و به‌رنگار بوونه‌وه‌ له‌گه‌ڵ سیستمی مووشه‌کی ئێران و هێشتنه‌وه‌ی ئه‌و گه‌ماڕۆیانه‌ی که‌ په‌یوه‌ندیان به‌ وزه‌ی ناڤۆکیه‌وه‌ نییه، له‌و خاڵانه‌ی دیکه‌ن که‌ له‌م ڕاپۆرته‌دا به‌ وردی باسیان لێکراوه.

News Code 4526

نیشانەکان

بۆچوونی ئێوە

You are replying to: .
  • 5 + 2 =