هێرشی تیرۆریستی بۆ سووریا وانه‌ی زۆری بۆ جیهان و ناوچه‌که‌ بووه‌

سه‌رۆک کۆماری سووریا له‌ دیدار له‌گه‌ڵ لێژنه‌یه‌کی یۆنانی جه‌ختی کرد که‌ هێرشی تیرۆریستی بۆ سه‌ر خه‌ڵکی سووریا وانه‌ی زۆری بۆ ناوچه‌که‌ و جیهان بووه‌ و نموونه‌که‌یشی هێرشه‌کانی ئه‌م دواییه‌ی ئه‌ورووپا و جیهانه‌.

به‌ ڕاپۆرتی ئاژانسی مێهر له‌ سانا، به‌شار ئه‌سه‌د، سه‌رۆک کۆماری سووریا له‌گه‌ڵ لێژنه‌یه‌کی سیاسی له‌ یۆنان که‌ بریتی بوون له‌ نیکۆس نیکۆپۆلۆس، سه‌ورۆکی حزبی دیموکڕاتیکی مه‌سیحی و هه‌روه‌ها تئۆدۆر کاتسانیواز، سه‌رۆکی حزبی پاسوکی یۆنان، دیداری کرد.

به‌ پێی ئه‌م ڕاپۆرته، به‌شار ئه‌سه‌د له‌م دیداره‌دا وتی: سه‌فه‌ری لێژنه‌کان و بڕێک له‌ ڕێبه‌ره‌کانی حزبه‌ ئه‌ورووپاییه‌کان بۆ سووریا زۆر گرنگه؛ چون به‌م شێوه‌یه‌ ده‌توانن وێنه‌یه‌کی دروست له‌ سووریا به‌ وڵاته‌که‌ی خۆیان نیشان بده‌ن و به‌م جۆره‌ یارمه‌تی ئێمه‌ له‌ ناوچه‌که‌دا بده‌ن.

ئه‌و له‌ درێژه‌دا زیادی کرد: هێرشی تیرۆریستی بۆ سه‌ر خه‌ڵکی سووریا وانه‌ی زۆری بۆ ناوچه‌که‌ و جیهان هه‌یه؛ نموونه‌که‌یشی ئه‌م هێرشانه‌ی ئه‌م دواییه‌یه‌ که‌ ده‌کرێته‌ سه‌ر بڕێک وڵاتی ئه‌ورووپای و جیهان، به‌ڵام کێشه‌ی ژماره‌یه‌ک له‌ ڕێبه‌ره‌کانی وڵاتانی ئه‌ورووپایی ئه‌وه‌یه‌ که‌ یه‌کلایه‌نه‌ بڕیار ده‌ده‌ن؛ ئه‌وان به‌ پشتیوانی کردن له‌ تیرۆریسته‌کان له‌ دوای زیادی کردنی تیرۆریسته‌کانن تاکوو ببنه‌ که‌سانی سه‌ر به‌خۆیان.

سه‌رۆک کۆماری سووریا له‌مباره‌وه‌ جه‌ختی کرد: ئه‌م سیاسه‌ته‌ی ڕێبه‌ره‌کانی ڕۆژئاوا کاریگه‌ری نه‌رێنی له‌سه‌ر ئاسایش و ئابووری خه‌ڵکی وڵاته‌کانی خۆیان هه‌یه. ئه‌مه‌ له‌ حاڵێک دایه‌ که‌ خه‌ڵکی سووریا به‌رده‌وامن له‌ به‌رگری کردن له‌ خۆیان و وڵاته‌که‌یان، ئه‌وان بڕیاری تایبه‌ت به‌ خۆیان ده‌ده‌ن و سه‌ر به‌ هیچ شوێنێک نین.

له‌ لایه‌کی دیکه‌ ئه‌ندامانی لێژنه‌ یۆنانییه‌که‌ش له‌ میانه‌ی قسه‌کانی خۆیان جه‌ختیان کرد که‌ له‌ سووریا پشتیوانی ده‌که‌ن و ئه‌م وڵاته‌ له‌ ئێستادا له‌ هێڵی یه‌که‌می به‌رگری له‌ به‌رنابه‌ر تیرۆریسته‌کاندا وه‌ستاوه.

ئه‌وان هه‌روه‌ها وتیان که‌ هه‌ر هه‌موو هه‌وڵی خۆیان ده‌ده‌ن تاکوو وێنه‌ هه‌ڵه‌که‌ سه‌باره‌ت به‌ سووریا بگۆڕن و دوڵه‌تی وڵاته‌کانیان ڕازی بکه‌ن که‌ بڕیاری دروست له‌باره‌ی سووریاوه‌ بده‌ن. هه‌روه‌ها له‌ به‌رژه‌وه‌ندی یۆنانه‌ که‌ له‌ شه‌ڕی دژ به‌ تیرۆریزم هاوڕیی سووریا بکه‌ن.

News Code 4521

نیشانەکان

بۆچوونی ئێوە

You are replying to: .
  • 1 + 1 =