ئاماری کوژراوانی په‌که‌که‌ له‌ ماوه‌ی یه‌ک ساڵدا

فه‌رمانده‌ی گشتی هێزه‌كانی پاراستنی گه‌ل (هەپەگە) باڵی سه‌ربازی پارتی کرێکارانی کوردستان ئاماری شه‌ڕ و چالاكی و رێژه‌ی كوژراوانی یه‌ك ساڵه‌ی نێوان خۆی و سوپای توركیای بڵاوكرده‌وه‌.

به‌ ڕاپۆرتی ئاژانسی هه‌واڵی مێهر، له‌ راگه‌یه‌نراوێكی فه‌رمانده‌ی بڕیارگه‌ی ناوه‌ندی پاراستنی گه‌ل،  له‌ ماوه‌ی یه‌ك ساڵه‌ی ده‌سپێكردنه‌وه‌ی شه‌ڕ  له‌ ۵ی گه‌لاوێژی ۲۰۱۵ه‌وه‌ بۆ ۵ی گه‌لاوێژی ۲۰۱۶ واتا یه‌ک ساڵ۴۳۵  چه‌کداری باڵی سه‌ربازی په‌که‌که‌ کوژراون.

له‌و ڕاگه‌یه‌نراوه‌دا هاتووه‌؛‌ " له‌ماوه‌ی یه‌ك ساڵه‌ی شه‌ڕدا حكوومه‌تی ئاكه‌په‌ ۳۵۶ ئۆپه‌راسیۆنی زه‌مینی، ۶۵۸ هێرشی باڵه‌فر، ۱۴۷ هێرشی هه‌لیكۆپته‌ر و هه‌زار  ۶۴۹ هێرشی تانك و تۆپى كردوه‌ته‌سه‌ر په‌که‌که‌ و ناوچه‌ سنوورییه‌ کوردنشینه‌کانی تورکیا."

راگه‌یه‌ندراوه‌كه‌ رونیشیكردوه‌ته‌وه‌ "له‌ به‌رامبه‌ردا باڵی سه‌ربازی په‌که‌که‌ هه‌زار و ۹۹  ئۆپراسیۆنی دژی سوپا و پۆلیسی توركیا ئه‌نجامداوه‌".

له‌و راگه‌یه‌نراوه‌دا ئه‌وه‌ش خراوه‌ته‌روو، "له‌ ئه‌نجامی ئه‌و شه‌ڕ و ئاڵۆزیانه‌دا دوو هه‌زار و ۹۷۲ سه‌رباز و پۆلیسی سوپای توركیا كوژراون كه‌ له‌ نێویاندا ۳۶ كه‌سیان پله‌ی باڵایان هه‌بووه‌، هه‌روه‌ها هه‌زار و ۱۴۶ سه‌رباز و پۆلیسش برینداربوون و ۱۳ شیان به‌دیل كه‌وتوونه‌ته‌ ده‌ستی په‌که‌که‌."

ئاماره‌که‌ ئاشکراشی کردووه‌ که‌ له‌ به‌رامبه‌ر ئه‌مه‌دا ۴۳۵  هێزی په‌که‌که‌ کوژراون و ۱۶  چه‌کداریشیان به‌دیل گیراون."

 ئاماری بریندارانی باڵی سه‌ربازی په‌که‌که‌ ڕانه‌گه‌یێندراوه‌.

News Code 4519

نیشانەکان

بۆچوونی ئێوە

You are replying to: .
  • 1 + 5 =