عه‌ره‌بستان به‌ پشتیوانی له‌ مونافقین کاتی خۆی به‌ فیڕۆ ده‌دات

ناتالی گوڵه‌، سیناتۆری فه‌ره‌نسایی و ئه‌ندامی لێژنه‌ی ده‌ره‌وه‌ی سینای فه‌ڕه‌نسا جه‌ختی کرد که‌ عه‌ره‌بستان به‌ پشتیوانی له‌ گرووپی "مونافیقن" ( موجاهیدنی خه‌لق) کاتی خۆی به‌ فیڕۆ ده‌دات و ئه‌م گرووپه‌ له‌ ئێراندا هێچ پێگه‌یه‌کی نییه‌.

به‌ ڕاپۆرتی ئاژانسی مێهر له‌ ئه‌لنه‌شره‌، ناتالی گوڵه‌، سیناتۆری فه‌ڕه‌نسایی و ئه‌ندامی لێژنه‌ی کاروباری ده‌روه‌ی سینا له‌ میانه‌ی لێدوانێکیدا ڕایگه‌یاند که‌ عه‌ره‌بستان به‌ پشتیوانی له‌ گرووپی مونافیقی موجاهدی خه‌لق کاتی خۆی به‌ فیڕۆ ده‌دات. خه‌ڵکی ئێران له‌م گرووپه‌ پشتیوانی ناکه‌ن چون له‌ سه‌رده‌می شه‌ڕی ئێران و عێراق خه‌یانه‌تیان به‌ ئێران کردووه‌.

ئه‌و درێژه‌ی به‌ قسه‌کانی خۆی دا و وتی: تاران و ڕیاز ده‌بێت بۆ ده‌ست پێکردنه‌وه‌ی دانوستانه‌کان دۆخه‌که‌ ئاماده‌ بکه‌ن. زۆربه‌ی کێشه‌کان له‌ نێوان هه‌ردوولا به‌ هۆی ترسه‌ ناعه‌قڵانییه‌کانه‌ و هه‌ر دوو لا ده‌بێت بزانن که‌ ئاسایشی نێونه‌ته‌وه‌یی پێویستی به‌ هه‌ر دوو وڵات هه‌یه‌.

ئه‌م سیناتۆره‌ فه‌ڕنساییه‌ له‌ درێژه‌دا جه‌ختی کرد: هه‌ر که‌س سیاسه‌ته‌کانی ناوچه‌که‌ به‌ باشی بناسێت، ده‌زانێت که‌ گرووپی مونافیقین (موجاهدینی خه‌لق) ناتوانێت سیستمی حوکمڕانی له‌ ئێران بگۆڕێت؛ چون ئه‌م گرووپه‌ به‌ هۆی خه‌یانه‌ت به‌ ئێرانییه‌کان و پشتیوانی ڕژیمی سه‌دام له‌ نێو ئێراندا لاینگری نییه‌.

ئه‌و له‌ کۆتاییدا وتیشی: پشتیوانی له‌ گرووپی مونافیقین ( موجاهیدینی خه‌لق) ده‌بێته‌ هۆی یه‌کگرتووی زیاتر له‌ ئێران و له‌ ڕاستیدا ئه‌مه‌ به‌ فیڕۆ دانی کاته‌.

شایانی باسه‌ که‌ له‌ میانه‌ی چه‌ند هه‌فته‌ی ڕابردوودا ئه‌م گرووپه‌ له‌ پاریس کۆبوونه‌وه‌یه‌کی به‌ڕێوه‌ برد که‌ وه‌زیری ده‌ره‌وه‌ی سعوودیا تێدا به‌شدار بوو.

News Code 4511

نیشانەکان

بۆچوونی ئێوە

You are replying to: .
  • 7 + 11 =