داعش به‌رپرسیاره‌تی هێرشی ئانسباخی ئاڵمانیای له‌ ئه‌ستۆ گرت

گرووپی تیرۆرسیتی داعش به‌ بڵاو کردنه‌وه‌ی ڕاگه‌یه‌ندراوێک به‌رپرسیاریه‌تی هێرشی تیرۆریستی ئانسباخی ئاڵمانیای له‌ ئه‌ستۆ گرت.

به‌ ڕاپۆرتی ئاژانسی مێهر له‌ وکیتیۆ، گرووپی تیرۆریستی داعش به‌رپرسیاریه‌تی هێرشی تیرۆریستی ئانسباخی ئاڵمانیای له‌ ئه‌ستۆ گرت.

به‌ پێی ئه‌م ڕاپۆرته‌، داعش هاوکات له‌گه‌ڵ ڕاگه‌یاندنی ئه‌م هه‌واڵه‌ ئاشکرای کرد که‌ ئه‌و که‌سه‌ی ئه‌م هێرشه‌ی ئه‌نجام داوه‌ له‌ ئه‌ندامانی داعش بووه‌، ئامانجی ئه‌ویش هێرش بۆ سه‌ر شارۆمه‌ندانی ئاڵمانیا بووه‌ چون ئاڵمانیا له‌ ژێر ناوی هاوپه‌یمانی نێونه‌ته‌وه‌یی له‌ عێراق و سووریا له‌ دژی داعش شه‌ڕ ده‌کات.

شایانی باسه‌ که‌ له‌ هێرشه‌که‌ی ئانسباخ ژماره‌یه‌کی زۆر بریندار بوون و هێرشبه‌ره‌ ۲۷ ساڵانه‌که‌ که‌ که‌سێکی سووری بوو، کوژراوه‌. له‌م ڤیدیۆیه‌ی داعشدا، ئه‌م پانابه‌ره‌ سووریه‌ هه‌ڕه‌شه‌ ده‌کات که‌ تۆڵه‌ی خۆی له‌ خه‌ڵکی ئاڵمانیا ده‌سێنێته‌وه‌. له‌ ته‌نیشت ته‌رمی خۆکوژه‌که‌ چه‌ندین سیم کارتی موبایل و لۆب تاپێک په‌یدا کراوه‌.

پێشتر، پۆلیسی ئاڵمانیا ڕایگه‌یاند بوو که‌ خۆکوژه‌که‌ی هێرشی ئانسباخ که‌سێکی سووریه‌.

ئه‌م هێرشه‌ له‌ ئه‌یاله‌تی باواریا ڕووی دا. دوێنێ، په‌نابه‌رێکی دیکه‌ی سووری که‌ ۲۱ ساڵ ته‌مه‌نی بوو به‌ قه‌مه‌ هێرشی کرده‌ سه‌ر ژنێکی پۆلینیایی و دوو که‌سی دیکه‌ی بریندار کرد.

پێشتر به‌ هۆی ته‌قه‌ کردن له‌ ناوه‌ندێکی کڕیاری له‌ شاری مۆنیخ له‌ ڕۆژی هه‌ینی (۲۲ ژوئیه‌) ۹ که‌س کوژران.

News Code 4501

نیشانەکان

بۆچوونی ئێوە

You are replying to: .
  • 2 + 16 =