هۆی ئاسایشی ئێران له‌م ناوچه‌ پڕ له‌ ئاژاوه‌دا چیه‌؟

گۆڤاری لێکۆڵینه‌وه‌یی "هێڵی حزبوڵا" له‌ ۴۲هه‌مین ژماره‌ی خۆیدا، له‌ ڕاپۆرتێکدا به‌ کورتی باسی ناوچه‌ی ڕۆژئاوای ئاسیا و پلانه‌کانی دوژمنی کردووه‌.

به‌ ڕاپۆرتی ئاژانسی مێهر، گۆڤاری لێکۆڵینه‌وه‌ی "هێڵی حزبوڵا" له‌ ۴۲هه‌ین ژماره‌ی خۆیدا، له‌ ڕاپۆرتێکدا له‌ ژێر ناوی "هۆی ئاسایشی ئێران له‌م ناوچه‌ پڕ له‌ ئاژه‌وه‌دا چیه‌؟" به‌ کورتی باسی ناوچه‌ی ڕۆژئاوای ئاسیا و پلانه‌کانی دوژمنه‌کانی ئێرانی کردووه‌.

له‌م ڕاپۆرته‌دا هاتووه‌؛

هۆی ئاسایشی ئێران له‌م ناوچه‌ پڕ له‌ ئاژاوه‌دا چیه‌؟

ساڵی ۱۹۷۸ که‌ شۆڕشی ئیسلامی ڕوویدا، ده‌نگۆیه‌کی گه‌وره‌ دروست بوو، شاره‌زایانی زۆری وه‌ک کسینجێر، هانتینگتۆن و ژۆزێف نای زنجیره‌یه‌ک وتاریان نووسی که‌ ناوه‌ڕۆکی ئه‌م وتارانه‌ هۆشداری به‌ ڕۆژئاوا ده‌دا که‌ هێزێکی نوێ له‌ ناوچه‌که‌دا خه‌ریکه‌ له‌ دایک ده‌بێت. که‌واته‌ ده‌ستیان کرد به‌ به‌رنگار بوونه‌وه‌ی ئێران و پلانی زۆری وه‌ک "ڕۆژهه‌ڵاتی گه‌وره‌یان داڕشت" که‌ ئامانجه‌که‌ی ئه‌وه‌ بوو هه‌موو وڵاتانی ناوچه‌که‌ بکه‌نه‌ ژێرده‌ستی ئیسڕائیل.

به‌ هۆی هه‌ر ئه‌م پلانه‌وه‌ بوو که‌ هێرش بۆ سه‌ر فه‌له‌ستین و لوبنان له‌ لایه‌ن ڕژیمی زایۆنیه‌وه‌ په‌ره‌ی زیاتری سه‌ند. له‌ شه‌ڕی ۳۳ ڕۆژه‌دا کاندۆلیزا ڕایس، وه‌زیری ئه‌وکاتی ده‌ره‌وه‌ی ئه‌مریکا، له‌ وڵامی ئه‌م پرسیاره‌ که‌ ئه‌م دۆخه‌ تاکوو که‌ی درێژه‌ی ده‌بێت وتی: ئه‌مه‌ پڕۆسه‌ی له‌ دایکبوونی ڕۆژهه‌ڵاتی ناڤینی گه‌وره‌یه‌ و ئه‌م دۆخه‌که‌ش نیشانه‌ی ئازاره‌کانی ئه‌م له‌ دایک بوونه‌یه‌.

هه‌ر بۆیه‌ ئه‌م چه‌ند خاڵه‌ گرنگی زۆریان هه‌یه‌:

۱. گه‌ڵاڵه‌ی ڕۆژهه‌ڵاتی گه‌وره‌ شکستی هێنا به‌ڵام کۆتایی پلانه‌که‌ نه‌بوو. دوژمن دوای شکست له‌م گه‌ڵاڵه‌یه‌دا، ڕێگه‌یه‌کی دیکه‌ی گرته‌ پێش و ڕێبه‌ری باڵای ئێران له‌مباره‌وه‌ وتی: سیاسه‌تی ڕۆژهه‌ڵاتی ناوڤینی گه‌وره‌ بریتی بوو له‌م بابه‌ته‌ که‌ له‌م ناوچه‌یه‌ ده‌بێت وڵاتانی له‌م جۆره‌ بوونیان هه‌بێت: یه‌که‌م لاواز بن، دووهه‌م دوژمنی یه‌کتر بن و دژی یه‌کتر بن، له‌گه‌ڵ یه‌کتر کۆک نه‌بن و نه‌توانن یه‌کگرتوو بن، سێهه‌م حاکمه‌کانیان له‌ ڕووی سیاسیه‌وه‌ سه‌ر به‌ ڕۆژئاوا بن، چواره‌م له‌ ڕووی ئابووریه‌وه‌ مه‌سره‌ف که‌ر بن نه‌ک داهێنه‌ر، پێنجه‌م له‌ ڕووی زانستیه‌وه‌ دواکه‌وتوو بن.

بۆ گه‌یشتن به‌م ئامانجانه‌، ده‌بێت دۆخی ناوچه‌که‌ له‌ ئاژاوه‌ و ناسه‌قامگیری پڕ بکرێت. دواتر شه‌ڕی جێگره‌وه‌ به‌ یارمه‌تی که‌سانێک که‌ سه‌ر به‌ جه‌مسه‌ره‌کانن ئه‌نجام ببێت. دوژمن هه‌مان دوژمن بوو، به‌ڵام ئێسته‌ سیما و تاکتیکه‌کانی گۆڕیبوو. ئه‌وان له‌ دوای ئه‌وه‌ بوون که‌ شه‌ڕه‌که‌ بۆ ناو خاکی ئێران بگوازنه‌وه‌. له‌ ڕاستیدا عێراق سه‌ره‌تایه‌ک بوو، شام سه‌ره‌تایه‌ک بوو؛ ئه‌وانه‌ سه‌ره‌تای ئه‌وه‌ بوون که‌ بتوانن ئیران بخه‌نه‌ ژێر کاریگه‌ری خۆیان؛ به‌ڵام زیره‌کی و ده‌سه‌ڵاتی ئێران بووه‌ هۆی ئه‌وه‌ی که‌ ئه‌وان له‌وێ له‌ عه‌رز بکه‌ون.

ئه‌نیستیتۆی ئه‌مریکایی ئۆراسیا-ڕیویو به‌م جۆره‌ له‌ ڕاستییه‌کانی ڕوانی: تێفکران و به‌رنامه‌ڕێزی ستراتیژیک ده‌توانێت مه‌ترسییه‌کان بکاته‌ ده‌رفه‌ت له‌ حاڵێکدا ئه‌مریکا و وڵاتانی هاوپه‌یمانی ئه‌مریکا له‌ هیچ دوژمنکارییه‌ک ده‌ستیان هه‌ڵنه‌گرتووه‌، ئێران هه‌ر له‌ ساڵی ۱۹۷۸وه‌ توانیه‌تی به‌ زیره‌کی و عه‌قڵانیه‌ت ئه‌م دوژمنکاریانه‌ کۆنترۆڵ بکات و له‌ به‌رژه‌وه‌ندی خۆی بیشکێنێته‌وه‌.

۲. له‌ حه‌دیسێک له‌ پێغه‌مبه‌ر (د.خ) هاتووه‌ که‌ "دوو نیعمه‌ت شاراوه‌ن: یه‌که‌م ته‌ندروستی، دووهه‌م ئاسایش". حه‌زره‌تی عه‌لی (د.خ) ده‌فرمێت: "جه‌هاد درکه‌یه‌ک له‌ درکه‌کانی به‌هه‌شته‌ و خودا ئه‌و درکه‌یه‌ به‌ڕووی هاوڕێ تایبه‌ته‌کانی خۆیدا ده‌کاته‌وه‌، هه‌رکه‌س به‌م بابه‌ته‌ بایه‌خ نه‌دات خودای گه‌وره‌ جل و به‌رگی ڕه‌زیل بوونی له‌به‌ر ده‌کات، سوێند به‌ خوا هیچ نه‌ته‌وه‌یه‌ک له‌ ماڵی خۆیدا هێرش ناکرێته‌ سه‌ری مه‌گه‌ر ئه‌وه‌ی په‌ست و ڕه‌زیل بووبێت."

ئێسته‌ ئێمه‌ له‌ سه‌ده‌ی ۲۱ داین، لاوانی ئیماندار و شۆڕشگێڕ بۆ دابین کردنی ئاسایشی ئێران به‌ سه‌دان کیلۆمه‌تر دوورتر له‌ سنووره‌کانی ئێران، سه‌رقاڵی شه‌ڕ له‌ دژی دوژمن و یه‌ک له‌ دوای یه‌ک پیلانی دوژمنه‌کانی ئێران له‌سه‌ر ئاو ده‌خه‌ن. له‌ وه‌ها دۆخێکدا که‌ سه‌رتانسه‌ری ناوچه‌ی ڕۆژئاوای ئاسیا و ته‌نانه‌ت (ئه‌مریکا و ئه‌ورووپا و ئه‌فریقا)ش له‌ ئاژاوه‌ و شه‌ڕی ناخۆیی و سه‌رهه‌ڵدانی ناخۆیی تێوه‌گلاون، که‌سه‌ ئیماندار و حزبوڵاییه‌ ئێرانییه‌کان به‌ هه‌موو توانی خۆیان له‌ گۆڕه‌پانه‌که‌دا ئاماده‌ن، هه‌روه‌ها له‌و شوێنه‌ش که‌ به‌رگری له‌ سنووره‌کان پێویست ببێت و به‌رگری له‌ شوناسی نه‌ته‌وه‌ی گرنگی هه‌بێت یان بابه‌تی گیان فیدایی و خوێن دان بێته‌ پێشه‌وه‌، قاره‌مانه‌کانی ئیران دێنه‌ گۆڕه‌پانه‌که‌ و خۆیان ده‌خه‌نه‌ مه‌رترسی. ئه‌مانه‌ له‌ ژن و منداڵ و ماڵیان دوور ده‌که‌ونه‌وه‌، گیانی خۆیان ده‌خه‌نه‌ سه‌ر ده‌ستیان تاکوو گیانی ژن و منداڵ و ماڵ و ئیمانی هاوڵاتییه‌کانیان نه‌که‌وێته‌ مه‌ترسیه‌وه‌. ئه‌و که‌سه‌ی که‌ لێره‌وه‌ هه‌ڵده‌ستێت و ده‌چێته‌ عێراق و سووریا و به‌ ناوی به‌رگری له‌ سنووری ئه‌هلی به‌یت له‌ به‌رانبه‌ر تیرۆریسته‌کاندا ده‌وه‌ستێت، له‌ ڕاستیدا له‌ ماڵ و شاره‌کانی خۆی له‌ ئێران به‌رگری ده‌کات.

تاک به‌ تاکی خه‌ڵکی ئێران قه‌رزداری ئه‌م جۆره‌ بیرکردنه‌وه‌ن که‌ سته‌می سته‌مکار قبووڵ ناکات و ڕاوه‌ستاو و به‌هێز له‌ به‌رانبه‌ر سته‌مکاره‌کان ده‌وستێته‌وه‌. واتا قه‌رزداری قاسم سوله‌یمانییه‌کان و هه‌زاران سولیمانی بێ ناو نیشانی دیکه‌ن که‌ ئاسایشی ئێرانیان له‌ ده‌ره‌وه‌ی سنووره‌کانی ئه‌م وڵاته‌وه‌ ده‌سته‌به‌ر کردووه‌. که‌واته‌ ئێران، به‌ هۆی بوونی وه‌ها خاکێک و وه‌ها قاره‌مانگه‌لێکه‌ هه‌رگیز ناکه‌وێت.


 

News Code 4475

نیشانەکان

بۆچوونی ئێوە

You are replying to: .
  • 4 + 5 =