کڕینی گه‌نم له‌ کوردستان ۴۴۰ هه‌زار تۆنی تێپه‌ڕاند/هه‌نارده‌ی ۹۶ هه‌زار تۆن گه‌نم

به‌ڕێوه‌به‌ری ئیداره‌ی دانه‌وێڵه‌ و کاری بازه‌رگانی پارێزگای کوردستان له‌ کڕینی زیاتر له‌ ۴۴۰ هه‌زار تۆن گه‌نمی جووتیاره‌کانی پارێزگاکه‌ هه‌واڵی دا و وتی: تاکوو ئێسته‌ش ۹۶ هه‌زار تۆن گه‌نم له‌ کوردستانه‌وه‌ هه‌نارده‌ی ده‌ره‌وه‌ی پارێزگاکه‌ کراوه‌.

جه‌ماڵ ساڵحی له‌ گفتوگۆ له‌گه‌ڵ هه‌واڵنێری مێهر وتی: له‌ سه‌ره‌تای وه‌رزی دروێنه‌وه‌ تاکوو ئێسته‌ زیاتر له‌ ۴۴۰ هه‌زار تۆن گه‌نم له‌ جووتیارانی پارێزگاکه‌ کڕدراوه‌.

ئه‌و وتی: ڕێژه‌ی ناوه‌نده‌کانی کڕینی گه‌نم له‌ پارێزگای کوردستان ۹۵ ناوه‌نده‌ که‌ له‌م ڕێژه‌یه‌ ۷۵ ناوه‌ندنی سه‌ر به‌ ئیداره‌ی "ته‌عاونی ڕووستایی"(هه‌روه‌زی گوندی)یه‌ و ۲۰ ناوه‌ندی دیکه‌یشی سه‌ر به‌ هۆماره‌ تایبه‌ت و ئازاده‌کانه‌.

ساڵحی زیادی کرد: زیاترین گه‌نمی ئه‌مساڵ له‌ شاری بیجاڕ به‌رهه‌م هاتووه‌ و زیاتر له‌ ۱۴۰ هه‌زار تۆن گه‌نم له‌ جووتیاره‌کانی ئه‌م شاره‌ کڕدراوه‌، دواتر شاره‌کانی سه‌قز به‌ ۷۹ هه‌زار تۆن، دێولان به‌ ۵۳ هه‌زار تۆن گه‌نم و کامیاران به‌ ۳۶ هه‌زار تۆن گه‌نمه‌وه‌ ، زیاترین ئاستی به‌رهه‌م هێنانی گه‌نمیان تۆمار کردووه‌.

ئه‌و وتی: ڕێژه‌ی کڕینی گه‌نم له‌ شاره‌کانی دیوانده‌ره‌ش ۲۶ هه‌زار تۆن، له‌ سنه‌ ۱۳ هه‌زار تۆن، له‌ مه‌ریوان ۱۲۰۰ تۆن، له‌ بانه‌ ۹۱۳ تۆن و له‌ سه‌ولاوا ۶۲۳ تۆن بووه‌.

به‌ڕێوه‌به‌ری ئیداره‌ی دانه‌وێڵه‌ و کاری بازه‌رگانی کوردستان بایه‌خی ئه‌م گه‌نمه‌ی به‌ ۵۶۴ ملیار تمه‌ن راگه‌یاند و وتی: ڕێژه‌ی کڕینی گه‌نم له‌ ئه‌مساڵدا له‌ جووتیاره‌کانی پارێزگای کوردستان له‌ چاو ساڵی ڕابردووه‌ تاکوو ئێسته‌ ۳۸ له‌ سه‌د زیادی کردووه‌.

ساڵحی زیادی کرد: مۆڵه‌تی گواستنه‌وه‌ی ۳۵۰ هه‌زار تۆن گه‌نم له‌ کوردستانه‌وه‌ بۆ ده‌ره‌وه‌ی پارێزگاکه‌ ڕاگه‌یه‌ندراوه‌ و تاکوو ئێسته‌ ۹۶ هه‌زار تۆن گه‌نم بۆ ده‌ره‌وه‌ی پارێزگاکه‌ هه‌نارده‌ کراوه‌.

News Code 4465

نیشانەکان

بۆچوونی ئێوە

You are replying to: .
  • 3 + 4 =