ئۆجه‌لان و ئه‌ردۆغان سیاسه‌تی تورکیا ده‌ستنیشان ده‌که‌ن

هاوسەرۆكی كۆنسەی بەڕێوەبەری كەجەكە ئاشكرای دەكات که‌ دوو كەسی گرنگ هەن لە توركیا سیاسەت دەستنیشان دەكەن.

به‌ ڕاپۆرتی ئاژانسی هه‌واڵی مێهر، هاوسەرۆكی كۆنسەی بەڕێوبەرایه‌تی كەجەكە جەمیل بایك، لە دیمانەیەكدا بۆ تەلەفزیۆنی "مەدنوچە" لە بارەی دۆخی عەبدوڵڵا ئۆجەلان رێبەری پەكەكە وەڵامی وەزیری دادی توركیا دەداتەوە كە رایگەیاندبوو دۆخی ئۆجەلان زۆر باشە.

بایك دەڵێت: "بێگومان دەبێت وەزیری داد لێدوانێكی بەو شێوەیە بدات، چاوەڕێی لێدوانی جیاوازتر لەوەی لێنەدەكرا، نابێت كەس بەو جۆرە لێدوانانە فریو بخوات، دەبێت هەركەسێك لە گەورەیی ئەو مەترسییە تێبگات كەلەسەر ئۆجالان هەیە."

 ده‌شڵیت: ڕۆژبەڕۆژ مەترسی لەسەر ئۆجالان زیاتر دەبێت.

جەمیل بایك ڕایدەگەیەنێت که‌ دوو كەسی گرنگ هەن لە توركیا سیاسەت دەستنیشان دەكەن، یەك ئۆجالان و ئەوی دیكەیان ئەردۆغانە.

ئه‌وه‌ش ده‌ڵێت که‌ ڕێبەری په‌که‌که‌ نوێنەرایەتی دیموكراسی دەكات، هەوڵ بۆ ئەوە دەدات و پێشەنگایەتیشی بۆ دەكات، ئەردۆغانیش پێشەنگایەتی فاشیزم دەكات .

هەر لەدیدارەكەیدا هاوسەرۆكی كەجەكە روونی دەكاتەوە كە لە ئێستادا مەترسی گەورە لەسەر ئۆجەلان هەیە و بەراورد بەجاران مەترسی لەسەر ئه‌و زیاتر بووە.

ئه‌وه‌ش ده‌ڵێت که‌ هیچ زانیاریەك لەبارەیەوە نازانرێت، دەبێت هێزە دیموكراتیخوازەكان گوشاری بكەن كە بەزووترین كات پارێزەر و بنەماڵەكەی سەردانی ڕێبەر ئۆجالان بكەن.

News Code 4461

نیشانەکان

بۆچوونی ئێوە

You are replying to: .
  • 9 + 4 =