گاردی سه‌رۆک کۆماری تورکیا هه‌ڵده‌وه‌شێته‌وه‌

سه‌رۆک وه‌زیرانی تورکیا له‌ بڕیاری تورکیا بۆ هه‌ڵوه‌سانه‌وه‌ی گاردی سه‌رۆک کۆماری به‌ هۆی کوده‌تای شه‌وی شه‌مه‌وه‌ هه‌واڵی دا.

به‌ ڕاپۆرتی ئاژانسی مێهر له‌ سکای نیوز، سه‌رۆک وه‌زیرانی تورکیا له‌ بڕیاری تورکیا بۆ هه‌ڵوه‌شانه‌وه‌ی گاردی سه‌ورۆک کۆماری به‌ هۆی کوده‌تای شه‌وی شه‌مه‌وه‌ هه‌واڵی دا و وتی: ئه‌گه‌ر پێویست بکات دۆخی نایاسایی دووباره‌ درێژ ده‌کرێته‌وه‌.

ئه‌و له‌ گفتوگۆیه‌کی زیندوودا وتی: له‌مه‌ به‌دوا گاردی سه‌رۆک کۆماری بوونی نابێت. ئێمه‌ هیچ پێویستمان به‌م هێزه‌ نییه‌ و بوونه‌که‌ی گرنگ نییه‌.

یه‌لدریم جه‌ختی کرد که‌ له‌ کوده‌تا سه‌رنه‌کوتووه‌که‌ ئه‌ندامانی گاردی سه‌رۆک کۆماریش ده‌ستیان بووه‌ و به‌م هۆیه‌وه‌ توانیانه‌ بچنه‌ نێو ته‌له‌ڤزیۆنی تی ئاڕ تی و بێژه‌ری ئه‌م ته‌له‌ڤزیۆنه‌ ناچار بکه‌ن تاکوو ڕاگه‌یه‌ندراوێک بۆ به‌ڕێوه‌چوونی کوده‌تا بخوێنێته‌وه‌.

سه‌رۆک وه‌زیرانی تورکیا هه‌روه‌ها جه‌ختی کرد که‌ به‌ هۆی کوده‌تای ئه‌م وڵاته‌وه‌ ۱۳ هه‌زار که‌س به‌ تایبه‌ت ۱۳۲۰ پۆلیس، ۸۸۳۱ هێزی سه‌ربازی، ۲۱۰۰ قازی و پارێزه‌ر و ۶۸۹ فه‌رمانبه‌ر زیندانی کراون.

یه‌لدریم سه‌باره‌ت به‌ باری نائاسایی له‌ تورکیا ڕایگه‌یاند که‌ ده‌وڵه‌تی ئه‌م وڵاته‌ بڕیاری بۆ درێژ کردنه‌وه‌ی حاڵه‌تی نائاسایی دوای ۳ مانگ نه‌داوه‌، به‌ڵام له‌ ئه‌گه‌ری پێویست بوون ئه‌م کاره‌ ئه‌نجام ده‌دات.

ئه‌و زیادی کرد: ئامانجی ئێمه‌ ئه‌وه‌یه‌ که‌ ماوه‌ی نائاسایی درێژ نه‌کرێته‌وه‌، به‌ڵام گه‌ر پێویست بکات درێژتر ده‌کرێته‌وه‌.

شایانی باسه‌ که‌ به‌ هۆی کوده‌تای ئه‌م دواییه‌ له‌ تورکیا به‌رپرسانی ئه‌م وڵاته‌ تاکوو ئێسته‌ نزیک به‌ ۳۰۰ که‌س له‌ ئه‌ندامانی گاردی سه‌رۆک کۆماریان ده‌ستگیر کردووه‌.

News Code 4457

نیشانەکان

بۆچوونی ئێوە

You are replying to: .
  • 5 + 11 =