مه‌رجی ئاسایی کردنه‌وه‌ی په‌یوه‌ندی نێوان ڕووسیا و تورکیا

وه‌زیری ده‌ره‌وه‌ی ڕووسیا ڕایگه‌یاند که‌ هاوکاری کردن له‌گه‌ڵ سووریا، مه‌رجی باش کردنه‌وه‌ی په‌یوه‌ندییه‌کانی ڕووسیایه‌ له‌گه‌ڵ تورکیا.

به‌ ڕاپۆرتی ئاژانسی مێهر له‌ تاس، سێرگئی لاورۆف وتی: پێشکه‌وتنی په‌یوه‌ندی نێوان مسکۆ و ئه‌نقه‌ره‌ په‌یوه‌ندی به‌م بابه‌ته‌وه‌ هه‌یه‌ که‌ ئایا تورکیا به‌رنگاری ئه‌و تیرۆریستانه‌ ده‌بێته‌وه‌ که‌ له‌ خاکی تورکیاوه‌ له‌ دژی سووریا شه‌ڕ ده‌که‌ن یان نا؟

وه‌زیری ده‌ره‌وه‌ی ڕووسیا سه‌باره‌ت به‌ باش کردنه‌وه‌ی په‌یوه‌ندییه‌کان وتی: ئه‌م بابه‌ته‌ زیاتر په‌یوه‌ندی به‌م شته‌وه‌ هه‌یه‌ که‌ چۆن ئێمه‌ سه‌باره‌ت به‌ چاره‌سه‌ر کردنی قه‌یرانی سووریا پێکه‌وه‌ هاوکاری بکه‌ین. کاتێک که‌ فڕۆکه‌که‌ی ئێمه‌ خرایه‌ خواره‌وه‌، بڕیارمان له‌سه‌ر پچڕاندنی په‌یوه‌ندییه‌کانمان دا. له‌ میانه‌ی گفتوگۆکان سه‌باره‌ت به‌ قه‌یرانی سووریا، ڕاستی زۆرمان دۆزیه‌وه‌ که‌ نیشانی ده‌دات که‌ خاکی سووریا بۆ ته‌یار کردنی تیرۆریسته‌کان و هه‌ناردنیان بۆ نێو خاکی سووریا به‌کار دێت. ئه‌م ڕاستییانه‌ له‌ سه‌ر مێزی گفتوگۆکان دان و ده‌بێت چاره‌سه‌ر بکرێن.

ئه‌و وتی: ئێسته‌ که‌ په‌یوه‌ندییه‌کانمان دروست بووه‌، به‌ سه‌ختی ده‌توانین چاو به‌ سه‌ر ئه‌م ڕاستیانه‌دا ببه‌ستین که‌ ئاشکرا بووه‌، که‌واته‌ هیوادارم که‌ تورکیا بۆ به‌رگرتن له‌ چوونی چه‌کداره‌کان بۆ سووریا له‌ ڕێگه‌ی خۆیه‌وه‌ هه‌نگاو هه‌ڵبگرێت. دراوسێکانی تورکیا هه‌ست ده‌که‌ن که‌ ده‌بێت هاوکارییه‌کان له‌سه‌ر بنه‌مای ڕاستی و باوه‌ڕ کردن به‌ یه‌کتر بێت.

لاورۆف زیادی کرد: دۆخی سیاسی سووریا له‌ میانه‌ی مانگانی ڕابردوودا گۆڕان کاری به‌سه‌ردا هاتووه‌ و دۆخه‌که‌ بۆ شکست دانی تیرۆریسته‌کان و ده‌ست پێکردنی گفتوگۆیه‌کی ڕاسته‌قینه‌ له‌ نێوان سوورییه‌کان دروست بووه‌.

News Code 4444

نیشانەکان

بۆچوونی ئێوە

You are replying to: .
  • 4 + 2 =