ترامپ بووه‌ به‌ربژاری کۆماری خوازه‌کان

ئه‌و پیاوه‌ی که‌ کۆماری خوازه‌کانی ئه‌مریکا وه‌ک که‌سێکی یاخی لێی ده‌ڕوانن و سنووره‌ باوه‌کان ده‌به‌زێنێت، دواجار بووه‌ به‌ربژاری کۆتای له‌ لایه‌ن کۆماری خوازه‌کانی ئه‌مریکاوه‌.

به‌ ڕاپۆرتی ئاژانسی مێهر له‌ ڕۆیترز، پارتی کۆماری خوازی ئه‌مریکا له‌ کۆتاییدا پشتیوانی فه‌ڕمی خۆی بۆ دۆناڵد ترامپ ده‌ربڕی و دۆناڵد ترامپ بووه‌ به‌ربژاری کۆماری خوازه‌کان بۆ هه‌ڵبژاردنی سه‌رۆک کۆماری نوێ ئه‌مریکا له‌ هه‌شتی نۆڤه‌مبه‌ری ساڵی ۲۰۱۶ی زاینی.

به‌م جۆره‌ ترامپی بێ ئه‌زموون له‌ کاری سیاسه‌ت که‌ هاوکات ملیۆنه‌ر و بازه‌رگان و کۆمێدیان و دژ به‌ په‌نابه‌ره‌کانه‌ به‌ سه‌رکه‌وتن به‌سه‌ر ۱۶ ڕکابه‌ری نێوخۆیی پارتی کۆماری خوازه‌کانی ئه‌مریکا بووه‌ به‌ربژاری کۆتایی ئه‌م حزبه‌ و کۆماری خوازه‌کان ده‌بێت وه‌ک ته‌نیا هیوای خۆیان پشتیوانی لێبکه‌ن.

ئێسته‌ ئه‌و ده‌بێت خۆی به‌ ڕووبه‌ڕوو بوونه‌وه‌ی هیلاری کلینتۆن ئاماده‌ بکات که‌ به‌ربژاری دیموکڕاته‌کانه‌.

هه‌ڵه‌به‌ت دوێنێ دۆناڵد ترامپ زۆر به‌ ئه‌سته‌می توانی ئه‌م پشتیوانییه‌ به‌ ده‌ست بێنێت چون زۆربه‌ی کۆماریخوازه‌کان دژی بوون، به‌ڵام دواجار دوای ئه‌وه‌ی ئه‌یاله‌تی نیۆیۆرک پشتیوانی له‌ ترامپ کرد، ئه‌و وه‌ک به‌ربژاری کۆتایی کۆماری خوازه‌کان دواین قۆناخی ڕکابه‌ری نێوخۆیی ئه‌م حزبه‌ی تێپه‌ڕاند.

خێرا و دوابه‌دوای ڕاگه‌یاندنی ئه‌م هه‌واڵه‌، ڕێبه‌ره‌کانی حزبی کۆماری خوازی ئه‌مریکا، مایک په‌نس، فه‌رمانداری ئه‌یاله‌تی ئیندیانایان به‌ فه‌رمی وه‌ک جێگر و هاوڕێی ترامپ له‌ هه‌ڵبژاردنه‌کانی ساڵی ۲۰۱۶دا ناساند.

ئێسته‌ پرسیار ئه‌وه‌یه‌ که‌ ئه‌م دوو پیاوه‌ له‌ به‌رنابه‌ر هیلاری کلینتۆن که‌ له‌ ڕووی هه‌ڵس و که‌ته‌وه‌ له‌ کۆماری خوازه‌کان ده‌چێت، چی ده‌که‌ن، ئه‌و ژنه‌ی که‌ به‌ هه‌ڵۆیه‌ک له‌ جل و به‌رگی کۆتردا ناسراوه‌.

کلینتۆن دوای بڵاو بوونه‌وه‌ی ئه‌م هه‌واڵه‌ نووسی: ترامپ ته‌نیا بووه‌ته‌ به‌ربژاری کۆماری خوازه‌کان، به‌ڵام دڵنیا بێت که‌ ناچێته‌ کۆشکی سپیه‌وه‌.

ڕه‌نگه‌ ئه‌م هه‌سته‌ی کلینتۆن له‌وه‌ سه‌رچاوه‌ بگرێت که‌ له‌ ڕاپرسییه‌کان له‌ ترامپ پێشکه‌وتووه، به‌ڵام دواین ڕاپرسی نیشانی ده‌دات که‌ ئێستاکه‌ کلینتۆن ۷ پله‌ پێش ترامپ که‌وتووه‌ و ئه‌مه‌ش ئه‌وه‌نده‌ی دیکه‌ کێبه‌رکێکانی هه‌ڵبژاردنه‌که‌ی ئه‌مریکا گه‌رم ده‌کات.

News Code 4403

نیشانەکان

بۆچوونی ئێوە

You are replying to: .
  • 6 + 1 =