جه‌ختی ئه‌ردۆغان له‌ فه‌رمانی له‌ سێداره‌دانی کوده‌تاچییه‌کان

سه‌رۆک کۆماری تورکیا له‌ بڕیاری خۆی بۆ جێبه‌جێ کردنی ئه‌گه‌ری فه‌رمانی له‌ سێداره‌دانی کوده‌تاچییه‌کان هه‌واڵی دا.

به‌ ڕاپۆرتی ئاژانسی مێهر له‌ حوڕیه‌ت، ڕه‌جه‌ب ته‌یب ئه‌ردۆغان، سه‌رۆک کۆماری تورکیا له‌ گفتوگۆ له‌گه‌ڵ کاناڵی سی ئێن ئێن، له‌ جێبه‌جێ کردنی فه‌رمانی له‌ سێداره‌دان له‌ دژی کوده‌تاچییه‌کان پشتیوانی کرد.

ئه‌ردۆغان له‌ میانه‌ی قسه‌کانی خۆی جه‌ختی له‌ جێبه‌جێ کردنی فه‌رمانی له‌ سێداره‌دان کرد و وتی: ڕێبه‌رانی تورکیا له‌ ئه‌گه‌ری وه‌ها بڕێارێک ده‌بێت پێکه‌وه‌ گفتوگۆ بکه‌ن. دوای ئه‌وه‌ من وه‌ک سه‌رۆک کۆمار هه‌ر بڕیاریک که‌ پارلمان بیدات واژۆی ده‌که‌م.

ئه‌و هه‌روه‌ها زیادی کرد: خه‌ڵکی تورکیا ئه‌م بابه‌ته‌یان ڕوون کردووه‌ته‌وه‌ که‌ داوای مردنی تیرۆریسته‌کان ده‌که‌ن چون به‌شداری کوده‌تا بوون.

سه‌رۆک کۆماری تورکیا درێژه‌ی دا: ئێسته‌ دوای ڕوودانی چه‌ندین هێرشی تیرۆریستی کوده‌تاچییه‌کان، خه‌ڵکی تورکیا داوای کوشتنی تیرۆریسته‌کان ده‌کات و هیچ ڕێگه‌یه‌کی دیکه‌ بوونی نییه‌.

ئه‌ردۆغان هه‌روه‌ها سه‌باره‌ت به‌ هۆی زیندانی کردنی کوده‌تاچییه‌کان وتی: بۆچی من ده‌بێت ساڵانێکی زۆر ئه‌م که‌سانه‌ بخه‌مه‌ به‌ندیخانه‌؟ خه‌ڵکی داوا ده‌که‌ن هه‌رچی زووتره‌ کۆتایی به‌م کێشه‌ بهێنم. چون خه‌ڵک قه‌وم و برا و منداڵه‌کانی خۆیان له‌م کاره‌ساته‌دا له‌ ده‌ست داوه‌، ئه‌وان له‌ حاڵی ڕه‌نج کێشان دان، هه‌ر بۆیه‌ خه‌ڵکی زۆر هه‌ستیار بوونه‌ته‌وه‌ و ئێمه‌ش ده‌بێت کارێک بکه‌ین.

شایانی باسه‌ که‌ ڕاگه‌یاندنی فه‌رمانی له‌ سێداره‌دان بۆ کوده‌تاچییه‌کان بووه‌ هۆی ناڕه‌زایه‌تی گه‌وره‌ و ڕێبه‌رانی ئه‌ورووپا دژایه‌تی ده‌که‌ن. ڕێبه‌رانی زۆربه‌ی وڵاتانی ئه‌ورووپا به‌ تایبه‌ت ئه‌نگێلا مێرکل، سه‌رۆکی ئاڵمانیا داوا ده‌که‌ن تاکوو ئه‌م داوایه‌ جێبه‌جێ نه‌کرێت.

News Code 4400

نیشانەکان

بۆچوونی ئێوە

You are replying to: .
  • 2 + 3 =