ده‌ستگیر کردنی ۸۵ ژنراڵ و ده‌ریاسالاری تورک

ده‌وڵه‌تی ئه‌نقه‌ره‌ تاکوو ئێسته‌ ۸۵ هێزی سه‌ربازی پله‌ باڵای به‌ تۆمه‌تی ده‌ستێوه‌ردان له‌ کوده‌تای ئه‌م دواییه‌ی تورکیا ده‌ستگیر کرد و به‌ ده‌یان که‌سی دیکه‌ش له‌ ژێر لێکۆڵینه‌وه‌ دان.

به‌ ڕاپۆرتی ئاژاسنی مێهر له‌ ئانادۆڵ، تورکیا ئه‌مڕۆ سێ شه‌مه‌ ژماره‌یه‌کی زۆر ژنراڵ و ده‌ریاسالاری سوپاکه‌ی خۆیی به‌ تۆمه‌تی کوده‌تای شه‌وی هه‌ینی ده‌ستگیر کرد. ئه‌مه‌ له‌ حاڵێک دایه‌ که‌ لێکۆڵینه‌وه‌ له‌ ده‌یان فه‌رمانده‌ی پله‌ بانی سوپای تورکیا درێژه‌ی هه‌یه‌.

له‌ نێوان ده‌ستگیر کراوه‌کان که‌سایه‌تی ناسراوی وه‌ک ژنراڵ ئاکین ئۆزتورک، فه‌رماده‌ی پێشووی هێزی ئاسمانی و ژنراڵ ئاده‌م حدودی، فه‌رمانده‌ی سوپای دووهه‌می تورکیا که‌ ئاسایشی سنووره‌کانی تورکیا له‌گه‌ڵ سوریا و ئێران و عێراق له‌ ژێر ده‌ستیدا بوو، ده‌بیندرێت.

به‌ هۆی کوده‌تای ئه‌م دواییه‌ی تورکیا که‌ له‌وێ ۲۰۸ که‌س له‌ لاینگره‌کانی ده‌وڵه‌ت و ۲۴ کوده‌تاچی کوژران، لانی که‌م ۶ هه‌زار که‌س ده‌ستگیر کراون.

ئه‌م کاره‌ له‌گه‌ڵ قسه‌کانی چه‌ند به‌رپرسێکی تورک که‌ داوایان کردووه‌ فه‌رمانی له‌ سێداره‌دان کارا بکرێته‌وه‌ کۆمه‌ڵگای نێونه‌ته‌وه‌یی نیگه‌ران کردووه‌. ئه‌مریکا و یه‌کێتی ئه‌ورووپا به‌رده‌وام داوایان له‌ تورکیا کردووه‌ که‌ جارێکی دیکه‌ فه‌رمانی له‌ سێداره‌دان بۆ یاساکانی ئه‌م وڵاته‌ نه‌گه‌ڕێنه‌ته‌وه‌.

News Code 4394

نیشانەکان

بۆچوونی ئێوە

You are replying to: .
  • 1 + 5 =