گوڵه‌ن: کوده‌تای تورکیا ساخته‌ بوو

فه‌تحوڵا گوڵه‌ن، ڕێبه‌ری ڕه‌وتی گوله‌نی دژبه‌ری ده‌وڵه‌تی تورکیا له‌گه‌ڵ تۆمه‌تبار کردنی به‌رپرسانی ئه‌م وڵاته‌ له‌ وێنا کردنی درۆزنانه‌ی کوده‌تا، ڕایگه‌یاند که‌ ئه‌م کوده‌تایه‌ نمایش و ساخته‌ی ده‌ستی ده‌وڵه‌ته‌.

به‌ ڕاپۆرتی ئاژانسی مێهر له‌ یۆرۆنیوز، فه‌تحوڵا گوله‌ن،  دوڵه‌تی تۆمه‌تبار کرد و وتی که‌ ئه‌م کوده‌تایه‌ شتێکی ساخته‌ بوو و ده‌وڵه‌تی تورکیا خۆی وه‌ڕێخست.

گوله‌ن وتی: وێنه‌ی گه‌وره‌تر له‌مباره‌وه‌ به‌ ڕوونی نیشانی ده‌دات که‌ ئه‌مه‌ کوده‌تایه‌کی نمایش کارانه‌ و درۆزنانه‌یه‌.

ئه‌و به‌ ئاماژه‌ به‌ چه‌ند هۆکار هه‌وڵی دا تاکوو نیشانی بدات چه‌ند ده‌وڵه‌تی تورکیا درۆزنه‌ و وتی: به‌ر له‌ هه‌رچی شته‌، ڕێبه‌رانی سیاسی ئه‌م کوده‌تایه‌ خراونه‌ته‌ به‌ندیخانه‌، به‌ڵام هیچیان لێنکراوه‌ و به‌دوادا چوونیان بۆ نه‌کراوه‌.

ئه‌و زیادی کرد: بینا چۆڵه‌کان بوردومان کراوه‌، ته‌قه‌ی له‌ که‌سانی سڤیل کردووه‌ نه‌ک هێزه‌ سه‌ربازییه‌کان، تانکه‌کان ڕاوه‌ستان و هیچ کارێکیان نه‌کرد. کاتێک ئێوه‌ له‌م وێنه‌ گه‌وره‌یه‌ بڕوانن به‌ ئاسانی تێده‌گه‌ن که‌ ئه‌م کوده‌تایه‌ شتێکی ساخته‌یه‌.

شایانی باسه‌ که‌ فه‌تحولا گوله‌ن، که‌سایه‌تی ئاینی تورکیایه‌ که‌ به‌ ملیۆنان که‌س لاینگری هه‌یه‌ و 15 ساڵ پێش ئێستا سه‌فه‌ری بۆ ئه‌مریکا کردووه‌. ده‌وڵه‌تی ئه‌ردۆغان له‌سه‌ر ئه‌م باوه‌ڕه‌یه‌ که‌ پلان داڕێژی و جێبه‌جێ کاریی کوده‌تاکه‌ له‌ ئه‌ستۆی گوله‌ن و لاینگره‌کانی بووه‌ که‌ له‌ نێو تورکیادان.

به‌ڵام ئه‌م تۆمه‌تانه‌ له‌ لایه‌ن گوله‌نه‌وه‌ له‌ هه‌مان کاتژمێری یه‌که‌می دوای کوده‌تاکه‌ ڕه‌ت کرایه‌وه‌ و ڕایگه‌یاند که‌ به‌ هیچ شێوه‌یه‌ک ده‌ستی له‌و کاره‌دا نه‌بووه‌ و ئاگاداریشی نه‌بووه‌.

News Code 4378

نیشانەکان

بۆچوونی ئێوە

You are replying to: .
  • 6 + 10 =