سه‌رۆک کۆماری ئێران له‌ کرماشانه‌

سه‌رۆک کۆماری ئێران له‌ بیست و نۆهه‌مین سه‌فه‌ری خۆی بۆ پارێزگاکانی ئێران، ئه‌مڕۆ به‌ سه‌ردانێک گه‌یشته‌ کرماشان له‌ ڕۆژئاوای ئێران.

به‌ ڕاپۆرتی ئاژانسی مێهر، حه‌سه‌ن ڕۆحانی سه‌رۆک کۆماری ئێران به‌یانی ئه‌مڕۆ شه‌مه‌ به‌ سه‌ردانێک گه‌یشته‌ پارێزگای کرماشان.

سه‌رۆک کۆماری ئێران له‌ ڕێگه‌ی فڕۆکه‌ خانه‌ی نێونه‌ته‌وه‌یی کرماشان چووه‌ کرماشان و له‌ لایه‌ن پارێزگار و نوێنه‌ری تایبه‌تی ڕێبه‌ری باڵای ئێران و نوێنه‌ره‌کانی پارێزگاکه‌ و به‌رپرسانی حکوومی پێشوازی لێکرا.

ڕۆحانی هه‌روه‌ها له‌ میانه‌ی سه‌فه‌ره‌که‌ی خۆی له‌ ستادیۆمی ئازادی شاری کرماشان ئاماده‌ بووه‌ و هه‌ر ئێستا خه‌ریکی لێدوانه‌.

هه‌روه‌ها سه‌رۆک کۆماری ئێران بڕیاره‌ له‌گه‌ڵ مامۆستایانی پارێزگاکه‌، سه‌رمایه‌دانه‌ره‌کان، زانایان و بلیمه‌ته‌کان و به‌رپرسانی کرماشان و ناوچه‌ی مێژووی تاقوسان دیدار بکات.

له‌ کۆتاییدا، حه‌سه‌ن ڕۆحانی له‌ کۆنفڕانسێکی ڕۆژنامه‌وانیدا به‌شداری ده‌کات و وڵامی پرسیاری ڕۆژنامه‌ نووسانی پارێزگاکه‌ ده‌داته‌وه‌.

شایانی باسه‌ که‌ ئه‌ندامانی لێژنه‌ی ده‌وڵه‌ت له‌م سه‌فه‌ره‌دا هاوڕێی ڕۆحانی ده‌که‌ن.

News Code 4345

نیشانەکان

بۆچوونی ئێوە

You are replying to: .
  • 4 + 1 =