به‌رپرسی سه‌ربازی تورکیا له‌ ئیسڕائیل؛داڕێژه‌ری کوده‌تا

ژنراڵ ئاکین ئۆزتورک، فه‌رمانده‌ی پێشووی هێزی ئاسمانی تورکیا ڕۆژی شه‌مه‌ به‌ تۆمه‌تی پیلان داڕشتن بۆ کوده‌تا دارماوه‌که‌ی ئه‌م دواییه‌ی تورکیا ده‌ستگیر کرا.

به‌ ڕاپۆرتی ئاژانسی مێهر له‌ هائارتز، ئاکین ئۆزتورک، فه‌رمانده‌ی پێشووی هێزی ئاسمانی تورکیا ڕۆژی شه‌مه‌ به‌ تۆمه‌تی پیلان دانان بۆ کوده‌تا شکست خواردووه‌که‌ی ئه‌م دواییه‌ی تورکیا ده‌ستگیر کرا. لانی که‌م ۵ ژه‌نه‌راڵی دیکه‌ی تورک سه‌باره‌ت به‌م بابه‌ته‌ ده‌ستگیر کراون.

مێدیاکانی تورکیاش ڕاپۆرتیان دا که‌ شه‌ش فه‌رمانده‌ی باڵای سوپای تورکیا، به‌ تایبه‌ت ئاکین ئۆزتورک به‌ تۆمه‌تی پیلان دانان بۆ کوده‌تاکه‌ی تورکیا ده‌ستگیر کراون. ئۆزتورک فه‌رمانده‌ی پێشووی هێزی ئاسمانی تورکیا له‌ ساڵه‌کانی ۱۹۹۰ی زاینی به‌رپرسی سه‌ربازی تورکیا له‌ ئیسڕائیل بووه‌.

ئۆزتورک له‌ میانی ساڵانی ۱۹۹۸ تاکوو ۲۰۰۰ی زاینی له‌ باڵوێزخانه‌ی تورکیا له‌ ته‌لاڤیڤ خزمه‌تی کردووه‌ و دوای ئه‌وه‌ش بووه‌ته‌ فه‌رمانده‌ی هێزی ئاسمانی تورکیا (۲۰۱۳ بۆ ۲۰۱۵). ئه‌م که‌سایه‌تییه‌ ۶۴ ساڵانه‌ی سوپای تورکیا دواتر له‌ ئه‌نجومه‌نی باڵای سه‌ربازی تورکیا ده‌ستی به‌ کار کردووه‌.

ئه‌م ژنراڵه‌ که‌ ئێستا بووه‌ته‌ دوژمنی ژماره‌ی یه‌کی ئه‌ردۆغان و خه‌ڵکی تورکیا پێشتر لایه‌نگری زۆری له‌ کۆمه‌ڵاگی تورکیادا هه‌بوو، ته‌نانه‌ت به‌ ده‌یان مدالیای نه‌ته‌وه‌یی له‌ ده‌وڵه‌ت وه‌رگرتووه‌.

ده‌فته‌ری داواکاری گشتی تورکیا ڕایگه‌یاند که‌ ژنراڵ ئۆزتورک و هاوڕێکانی خه‌یانه‌تیان به‌ وڵات کردووه‌ و محاکمه‌ ده‌کرێن. بینالی ئیلدریم سه‌رۆک وه‌زیرانی تورکیاش ڕایگه‌یاند که‌ پێویسته‌ یاسای بنه‌ڕه‌تی تورکیا گۆڕانی به‌سه‌ردا بێت و سزای له‌ سێداره‌ دان کارا بکرێته‌وه‌.

هه‌روه‌ها ژنراڵ ئاده‌م هودوتی، فه‌رمانده‌ی سوپای دووهه‌م که‌ له‌ سنووره‌کانی سووریا جێگیر کراوه‌، ده‌ستگیر کراوه‌. ئاونی ئانگۆن و ئه‌رداڵ ئۆزتورک ناوی ژنراڵه‌کانی دیکه‌ی سوپای تورکیان که‌ ده‌ستگیر کراون.

هێزه‌کانی سه‌ر به‌ ده‌وڵه‌ت توانیان دوێنێ به‌سه‌ر کوده‌تاکه‌ی تورکیادا زاڵ بن و له‌م ڕووداوه‌دا به‌ هه‌زاران که‌س گیراوه‌ و نزیک به‌ ۲۰۰ که‌سیش کوژران.

News Code 4340

نیشانەکان

بۆچوونی ئێوە

You are replying to: .
  • 4 + 9 =