سنوره‌کانی ئێران و تورکیا داخرا

خاڵه‌ سنوورییه‌کانی ئێران له‌ پارێزگای ئازه‌ربایجانی ڕۆژئاوا به‌ شێوه‌یه‌کی کاتی به‌سه‌ر وڵاتی تورکیادا داخرا.

جێگری سیاسی،  ئه‌منی و کۆمه‌ڵایه‌تی پارێزگاری ئازه‌ربایجانی ڕۆژئاوا وتی: دوابه‌دوای کوده‌تای ئه‌م وڵاته‌ له‌ تورکیا خاڵه‌ سنوورییه‌کانی ئه‌م پارێزگایه‌ به‌یانی ڕۆژی شه‌مه‌ به‌ شێوه‌یه‌کی کاتی داخران.

عه‌لیڕه‌زا ڕادفه‌ر له‌ گفتوگۆ له‌گه‌ڵ مێهر سه‌باره‌ت به‌ خاڵه‌ سنوورییه‌کانی تورکیا وتی: هه‌ر له‌ یه‌که‌مین خوله‌کانی ڕوودانی کوده‌تا له‌ تورکیا به‌ هۆی هاوسنووری بوونی پارێزگای ئازه‌ربایجانی ڕۆژئاوا له‌گه‌ڵ تورکیا خاڵه‌ سنوورییه‌کان داخراون.

ئه‌و له‌ درێژه‌دا وتی: دوای ڕاگه‌یاندنی کوده‌تا له‌ لایه‌ن به‌شێک له‌ سوپای تورکیا له‌م وڵاته، هێزه‌ سه‌بازی و ئه‌منییه‌کانی سنووری ئێران که‌وتوونه‌ته‌ حاڵه‌تی ئاماده‌ باشی ته‌واو و چاودێڕی وشکانی و ئاسمانی له‌ لایه‌ن فڕۆکه‌ شه‌ڕکه‌ره‌کانی ئێران له‌ سنووره‌کاندا ئه‌نجام بووه.

ڕادفه‌ر وتی: له‌ ئێستادا ئه‌منییه‌تی ته‌واو له‌ سنووره‌کانی ئازه‌ربایجانی ڕۆژئاوا دابین کراوه‌ و کێشیه‌کی ئه‌وتۆ له‌ ئارادا نییه‌ و پارێزگاکه‌ له‌ ئاماده‌ باشی ته‌واو دایه.

جێگری سیاسی،  ئه‌منییه‌تی و کۆمه‌ڵایه‌تی پارێزگای ئازه‌ربایجانی ڕۆژئاوا جه‌ختی کرد: له‌مباره‌وه‌ هه‌ر هه‌موو خاڵه‌ سنوورییه‌کان له‌ پارێزگاکه‌ بۆ ماوه‌یه‌کی کاتی داخراوه.

ئه‌و زیادی کرد: دوای ته‌واوی بوونی کوده‌تا و هێور بوونه‌وه‌ی دۆخه‌که‌ له‌ تورکیا، سنووره‌کان ده‌کرێنه‌وه.

شایانی باسه‌ که‌ ئازه‌ربایجانی ڕۆژئاوا له‌ ئێران ته‌نیا پارێزگای ئێرانه‌ که‌ له‌گه‌ڵ ۳ وڵاتی عێراق، تورکیا و ئه‌رمنستان دراوسێیه‌ و ۸۹۱ کیلۆمه‌تر سنووری هاوبه‌شی هه‌یه.

هه‌روه‌ها ته‌نیا پارێزگای هاو سنوور له‌گه‌ڵ تورکیایه.

News Code 4328

نیشانەکان

بۆچوونی ئێوە

You are replying to: .
  • 9 + 3 =