سەقامگیری، دیمۆکراسی و ئاسایشی گه‌لی تورکیا گرینگترینه‌

وەزیری دەرەوەی کۆماری ئیسلامی ئێران لە کاردانه‌وه‌ بە کوودەتای تورکیا رایگەیاند: زۆر نیگەرانی قەیرانی تورکیاین.

بە راپۆرتی ئاژانسی هەواڵی مێهر، موحەمەد جەواد زەریف، وەزیری دەرەوەی ئێران لە پەیامێکی توویتێریدا کاردانه‌وه‌ی به‌ کوده‌تای سه‌ربازی له‌ ئه‌نقه‌ره‌ و ئه‌سته‌نبۆڵ نیشان دا.

زه‌ریف نووسی: نیگەرانی قەیرانی تورکیاین. سەقامگیری، دێمۆکراسی و ئاسایشی خەڵکی تورکیا گرینگترین پرسە. پاراستنی یەکێتی و خۆپارێزی لەم بارودۆخەدا بە زەرووری دەزانین.

زه‌ریف هه‌روه‌ها ڕێزی له‌ به‌رخۆدانی گه‌لی تورکیا گرت و وتی: پشتیوانی گه‌لی ئه‌و وڵاته‌ له‌ ده‌وڵه‌تی یاسایی و هه‌ڵبژێردراو نیشانی دا که‌ کوده‌تا له‌ ناوچه‌ی ئێمه‌دا چاره‌نووسی شکسته‌.

شه‌وی ڕابردوو کوده‌تای سه‌ربازی له‌ تورکیا ڕاگه‌یێندرا  که‌ له‌ شه‌ڕی نێوان پۆلیس و کوده‌تاچییه‌کان و هه‌روه‌ها ڕژانه‌ سه‌ر شه‌قامی لایه‌نگرانی ده‌وڵه‌تی ئه‌ردۆغان ده‌یان که‌س کوژران و زیاتر له‌ ۷۵۴ که‌س له‌وانه‌ چه‌ندین فه‌رمانده‌ی ئه‌رته‌شی تورکیا ده‌ستگیر کران.

News Code 4326

نیشانەکان

بۆچوونی ئێوە

You are replying to: .
  • 6 + 12 =