ڕاگه‌یێندراوی ڕێکخراوی هه‌واڵگریی تورکیا سه‌باره‌ت به‌ کوده‌تا

ڕێکخراوی هه‌واڵگری تورکیا به‌ بڵاو کردنه‌وه‌ی ڕاگه‌یه‌ندراوێک له‌ کۆتایی هاتنی کوده‌تا له‌م وڵاته‌دا هه‌واڵی دا.

به‌ ڕاپۆرتی ئاژانسی مێهر له‌ ڕۆژنامه‌ی زه‌مان، ڕێکخراوی هه‌واڵگریی نه‌ته‌وه‌یی تورکیا به‌ بڵاو کردنه‌وه‌ی ڕاگه‌یه‌ندراوێک ئاشکرای کرد که‌ هه‌وڵ بۆ کوده‌تا له‌م وڵاته‌ سه‌رکوت کراوه‌ و دۆخه‌که‌ بۆ حاڵه‌تی ئاسایی ده‌گه‌ڕێته‌وه‌.

وته‌بێژی ڕێکخراوی هه‌واڵگریی نه‌ته‌وه‌یی تورکیا به‌یانی شه‌مه‌ له‌ میانه‌ی قسه‌کانی خۆی له‌ کاناڵی ته‌له‌ڤیزیۆنی ئێن تی ڤی وتی: بنکه‌ی سه‌ره‌کی ئه‌م ڕێکخراوه‌یه‌ له‌ لایه‌ن باڵه‌فڕێکی سه‌ربازی که‌ دزرا بوو کرایه‌ ئامانج، به‌ڵام ئه‌م کوده‌تایه‌ پووچه‌ڵ کرایه‌وه‌.

سه‌رچاوه‌ مێدیاییه‌کان به‌ گێڕانه‌وه‌ له‌ نووسینگه‌ی سه‌رۆک کۆماری تورکیا ڕایانگه‌یاند که‌ فڕۆکه‌ ئێف ۱۶کانی سوپای تورکیا تانکی کوده‌تاچییه‌کانیان له‌ ده‌ورووبه‌ری پارلمان و کۆشکی سه‌رۆک کۆماری کردووه‌ته‌ ئامانج.

له‌ لایه‌کی دیکه‌وه‌ یه‌کێکی دیکه‌ له‌ ڕێبه‌ره‌کانی کوده‌تای تورکیا له‌ لایه‌ن هێزه‌ ئه‌منییه‌کانه‌وه‌ ده‌ستگیر کرا، ئه‌م ڕێبه‌ره‌ ده‌ستگیر کراوه‌ به‌ هه‌موو کوده‌تاچییه‌کان فه‌رمانی دا تاکوو خۆیان ڕاده‌ستی به‌رپرسانی ئه‌منی وڵات بکه‌ن.

وێنه‌ ته‌له‌فزیۆنییه‌کانی تورکیا نیشانی ده‌دات که‌ به‌ ده‌یان که‌س له‌ سه‌ربازه‌ کوده‌تاچییه‌کان له‌ سه‌ر پردی به‌سفه‌ر خۆیان ڕاده‌ستی هێزه‌کانی ده‌وڵه‌ت کردووه‌.

هه‌روه‌ها سه‌رۆک وه‌زیرانی تورکیا داوای کرد تاکوو پارلمان به‌ ئاماده‌ بوونی هه‌موو نوێنه‌ره‌کانی ئه‌م وڵاته‌ کۆبوونه‌وه‌یه‌کی به‌ په‌له‌ ئه‌نجام بدات.

News Code 4323

نیشانەکان

بۆچوونی ئێوە

You are replying to: .
  • 2 + 16 =