گۆڕینی فه‌رمانده‌ی سوپای تورکیا

مێدیاکانی تورکیا له‌ خۆبه‌ده‌سته‌وه‌ دانی ڕێبه‌ری کوده‌تای سه‌ربازی ئه‌م وڵاته‌ و هه‌روه‌ها گۆڕینی سه‌رۆکی ئه‌رکانی هاوبه‌شی سوپای تورکیا هه‌واڵیان دا.

به‌ ڕاپۆرتی  ئاژانسی مێهر له‌ ئاناتۆلی، بینالی یه‌لدریم، سه‌رۆک وه‌زیرانی تورکیا له‌ دانانی ئۆمیت دۆندار، سه‌رۆکی نوێی هاوبه‌شی سوپای تورکیا هه‌واڵی دا.

دۆندار فه‌رمانده‌ی به‌شێک له‌ سوپای تورکیایه‌ که‌ ئه‌سته‌نبۆلی له‌ ژێر کنترۆڵ دایه‌.

له‌ لایه‌کی دیکه‌وه‌ ڕاگه‌یه‌ندراوه‌ که‌ ڕێبه‌ری کوده‌تا خۆی ڕاده‌ستی هێزه‌ تایبه‌ته‌کانی سوپا کردوه‌ و وا دیاره‌ که‌ کوده‌تا ڕاوه‌ستاوه‌ و دۆخه‌که‌ بۆ حاڵه‌تی ئاسایی ده‌گه‌ڕێته‌وه‌.

ژماره‌یه‌ک له‌ هێزه‌کانی سوپای تورکیا دوێنێ شه‌و به‌ ئاماده‌ بوون له‌ شه‌قامه‌کانی شاری ئه‌سته‌نبۆل و ئه‌نقه‌ره‌، ناوه‌نده‌ سه‌ره‌کییه‌کانی ئه‌م شاره‌، وه‌ک ڕادیۆ و ته‌له‌فزیۆنیان داگیر کرد.

ئاژانسه‌کان ڕایانگه‌یاندووه‌ که‌ زیاتر له‌و ۷۰۰ که‌س له‌ دوێنێ شه‌وه‌ گیراون.

ئه‌ردۆغان دوای ئه‌وه‌ی فڕۆکه‌خانه‌ی ئاتاتورک گیرایه‌وه‌، وتی: ئێمه‌ به‌رپرسانی کوده‌تا به‌ سزای کاره‌کانی خۆیان ده‌گه‌یه‌نین.

ئه‌و جه‌ختی کرد: ئه‌م کوده‌تایه‌ له‌ دژی یه‌کگرتوویی تورکیایه‌، ئه‌و ئه‌فسه‌رانه‌ی ئه‌م کاره‌یان کردووه‌ خۆیان ڕاده‌ستی به‌رپرسانی تورکیا کردووه‌. کوده‌تاچییه‌کان یه‌کگرتووی وڵاتیان کردووه‌ته‌ ئامانج.

ئه‌ردۆغان درێژه‌ی دا: ئه‌مه‌ کوده‌تا له‌ دژی یه‌کێه‌تی وڵاته‌. دڵنیا بن فڕۆکه‌کانی تورکیا له‌ خه‌ڵکی به‌رگری ده‌که‌ن. ئه‌و که‌سانه‌ی که‌ کوده‌تایان ڕێبه‌ری کردووه‌ ئه‌فسه‌رانی خوارووی سوپان که‌ پێگه‌یه‌کی وه‌هایان له‌ سوپادا نییه‌. سوپای ئێمه‌ سوپایه‌کی بێ خه‌وشه‌.

ئه‌ردۆغان جه‌ختی کرد: برێک ناتوانن تورکیا یه‌کگرتوو ببینن. ئه‌م گرووپه‌ بچووکه‌ به‌ ئامانجه‌کانی خۆیان ناگه‌ن. ئه‌م گرووپه‌ خه‌ریکی شه‌ڕ له‌گه‌ڵ ده‌وڵه‌ت و گه‌لی تورکیایه‌. ئێمه‌ به‌ هێزی ته‌واوه‌ درێژه‌ به‌ کاری خۆمان ده‌ده‌ین و ناهێڵین ئه‌م گرووپه‌ به‌ ئامانجی خۆیان بگه‌ن.

ئه‌ردۆغان له‌ کۆتایدا وتی: هێزه‌ سه‌ربازییه‌کان ده‌بێت بگه‌ڕێنه‌وه‌ بۆ بنکه‌ سه‌ربازییه‌کان. ئه‌وه‌ی که‌ کێ ئه‌م کاره‌ی کردووه‌ له‌ داهاتوودا ڕوون ده‌بێته‌وه‌.

News Code 4322

نیشانەکان

بۆچوونی ئێوە

You are replying to: .
  • 6 + 0 =