ڕێبه‌ری کوده‌تاچییه‌کانی تورکیا خۆی به‌ده‌سته‌وه‌ دا

کوده‌تای سه‌ربازی له‌ حاڵێکدا له‌ تورکیا ڕوویدا که‌ چه‌ند کاتژمێر دواتری ئه‌م ڕووداوه‌ شکستی هێنا و سه‌رۆک کۆماریش به‌ فه‌رمی ڕایگه‌یاند که‌ کوده‌تاکه‌ شکستی هێناوه‌ و هۆکاره‌کانیشی سزا ده‌درێن.

به‌ ڕاپۆرتی ئاژانسی هه‌واڵی مێهر، ره‌جه‌ب ته‌یب ئه‌ردۆغان سه‌رۆک کۆماری تورکیا دوای گه‌یشتنی به‌ فڕۆکه‌خانه‌ی ئه‌سته‌نبۆڵ_ فڕۆکه‌خانه‌یه‌ک که‌ چه‌ند کاتژمێر له‌ کۆنتڕۆڵی کوده‌تاچییه‌کان بووه‌- وتی: هۆکارانی ئه‌م کوده‌تا شکست خواردووه‌ که‌ یه‌کگرتوویی وڵاتیان کردبووه‌ ئامانج، سزا ده‌درێن.

بەپێی هه‌واڵێکی ماڵپەڕی سەباحی توركی نزیك لەڕەجەب تەیب ئەردۆغان، سەرۆك كۆمار راوێژكاری یاسایی سەرۆكایەتی ئەركانی سوپای توركیا بە "پلانداڕێژەری"، كودەتاكەی سوپا دادەنرێت،

بەپێی هه‌واڵه‌که‌ ۴۰۰ سەربازی سەر بەفەرماندەی گشتی ژەندرمە و هێزی ئاسمانی‌و سوپای توركیا بەشدارییان لەو كودەتایەدا كردووە‌.

له‌و هه‌واله‌دا ئاشکرا بووه‌ که‌ "محەرەم كوسی، راوێژكاری یاسایی سەرۆكایەتی ئەركانی سوپای توركیا پلانداڕێژەری كودەتاكە بووە".

جگە لەمحەرەم كوسی كە پلەی عەقیدی هەیە، لەنێو ۴۰۰ سەربازەكەدا، هەشت ئەفسەری تر پلەی عەقید-یان هەیە، هەروەها پێنج موقەدەم ‌و یەك نەقیب ‌و سێ‌ رائید‌و ۱۵ مولازم ئەوەل‌و سێ‌ ملازم.

لەبەیاننامەی راگەیاندنی كودەتاكەدا هاتووە "تەواوی هێزە چەكدارەكانی توركیا، بۆ پاراستنی سیستمی دەستوور‌و دیموكراسی‌و مافی مرۆڤ، هەروەها بۆ زامنكردنی ئازادی‌و گەڕانەوەی سەروەریی یاسا‌و بۆ پاراستنی سیستمی ئەمنی وڵات دەستمان بەسەر هەموو بەڕێوەبەرایەتی وڵاتدا گرتووە".

دوای ئەوەش رەجەب تەیب ئەردۆغان، سەرۆك كۆماری داوای لە لایه‌نگرانی پارتەكەی‌و خەڵكی توركیا كرد بەچونیان بۆ شەقامەكان دژایەتی ئەو هەوڵە بكەن ‌و بەهۆیەوە لایەنگرانی رژانە شەقامەكان.

دوای نزیكەی پێنج كاتژمێر لەو بەیاننامەیە، بینالی یەڵدرم، سەرۆك وەزیرانی توركیا، شكستهێنانی ئەو هەوڵەی راگەیاندو بۆ ئەوەش سوپاسی تەواوی خەڵكی توركیاو پارتە سیاسییەكان كرد، بەوەی بۆ پاراستن‌و یەكێتی وڵات دژی كودەتا وەستانەوە.

تائێستا ئاماری وردی زیانە گیانییەكان لەو كودەتایەو روبەڕوبونەوەكان بڵاونەكراوەتەوەو نەزانراوە، بەڵام  لە ئەنقەرە  ۱۷ ئەفسەر كوژران، بەهۆی بۆردومانی فڕۆكەیەكی سەربازی سوپاوە.

هەریەكە لەپارتەكانی جەهەپەو مەهەپەو هەدەپە دژایەتی كودەتای سەربازییان كرد لەتوركیا.

ئه‌نقه‌ره‌؛ کوده‌تا کاری ئه‌فسه‌رانی لایه‌نگری گوله‌ن بووه‌. گوله‌ن: ئه‌م پاگه‌نده‌ دووره‌ له‌ راستی.

سه‌رۆک وه‌زیری تورکیا داوای به‌ڕێوه‌چوونی کۆبوونه‌ی به‌ په‌له‌ی په‌رله‌مانی ئه‌م وڵاته‌ ده‌کات.

 به‌رپرسانی باڵای تورکیا؛ ته‌قینه‌وه‌کان له‌ په‌رله‌مان به‌رده‌وامه‌.

 تورکیا له‌ به‌ر هۆکاری ئه‌منی ته‌نگه‌ڵانی به‌سفۆری به‌ڕووی نه‌وت کێشه‌کاندا داخست.

ئه‌لمیادین؛ تا ئێستا شه‌ست که‌س له‌ ناوچه‌ جیاوازه‌کانی تورکیا کوژراون.

 موگرینی داوای کردووه‌ وه‌زیرانی ده‌ره‌وه‌ی یه‌کێتی ئه‌ورووپا به‌ په‌له‌ کۆببنه‌وه‌.

ستۆدیۆی که‌ناڵی سی ئێن  ئێن که‌ له‌لایه‌ن سه‌ربازانی کوده‌تاچیه‌وه‌ داگیر کرابوو، دوباره‌ په‌خشی به‌رنامه‌کانی ده‌ستپێکرد.

دادستێنی ئه‌نقه‌ره‌: له‌ ئاکامی هێرش بۆ سه‌ر دامه‌زراوه‌کانی مانگیله‌ی تورک سێل۴۲ که‌س کوژراون که‌ زۆربه‌یان پۆلیسن.

ڕۆژنامه‌ی ده‌یلی سه‌باح: سه‌رجه‌م گه‌شته‌ ئاسمانییه‌کانی فڕۆکه‌خانه‌ی ئاتاتورک له‌ کاتژمێر ۶ به‌یانیه‌وه‌ حاڵه‌تی ئاسایی ده‌بێت.

جه‌زیره‌: شه‌ش ته‌رمی و ۱۰۰ بریندار گواستراوه‌ته‌وه‌ بۆ نه‌خۆشخانه‌ی ئه‌سته‌نبۆڵ.

سه‌رۆک وه‌زیری تورکیا وتی: سه‌ربازانی کوده‌تاچی  له‌ ئه‌نقه‌ره‌ و ئه‌سته‌نبۆڵ ئه‌مڕۆ ڕوژی شه‌مه‌ش به‌رده‌وامن له‌ ته‌قه‌ کردن و جێته‌ شه‌ڕکه‌ره‌کان بۆ به‌ره‌نگاری فڕۆکه‌کانیان هه‌ستاوه‌ته‌وه‌.‌

 بینالی ئیلیدریم: تا ئێشتا لانی که‌م ۱۲۰ که‌س که‌ له‌م کوده‌تا ده‌ستیان بووه‌ ده‌ستگیر کراون.

 فڕۆکه‌یه‌کی شه‌ڕکه‌ر به‌رده‌وامه‌ له‌ بوردومانی ئه‌نقه‌ره‌.

 ئه‌لمیادین: ۳۰ کوده‌تاچی له‌ مه‌یدانی ته‌قسیم خۆیان ڕاده‌ستی پۆلیس کرد.

رۆیتێرز:ڕێبه‌ری کوده‌تاچییه‌کانی تورکیا خۆی به‌ده‌سته‌وه‌ دا

فه‌رمانده‌یه‌کی کوده‌تا که‌ له‌ لایه‌ن هێزه‌ ئه‌منییه‌کانه‌وه‌ له‌ ئه‌سته‌نبۆل ده‌ستگیر کرابوو له‌ به‌رنامه‌یه‌کی ڕاسته‌وخۆی ته‌له‌فزیۆنیدا داوای کرد هێزه‌کانی ژێر فه‌رمانی ئه‌و ئۆپراسیۆنی کوده‌تا ڕبگرن و بگه‌ڕێنه‌وه‌ بنکه‌ سه‌ربازییه‌کانیان.

 ماڵپه‌ڕی ئینتێرنێتی که‌ناڵی ته‌له‌فزیۆنیی ئێن تی وی تورکیا ڕایگه‌یاند که‌ فڕۆکه‌یه‌کی ئێف 16ی تورکیا باڵه‌فڕێکی هه‌ڵگری کوده‌تاچییه‌کانی داخستووه‌.

 باراک ئۆباما داوای کرد پشتیوانی بکرێت له‌ ده‌وڵه‌تی هه‌ڵبژێردراوی تورکیا.

News Code 4313

نیشانەکان

بۆچوونی ئێوە

You are replying to: .
  • 4 + 0 =