هێنانه‌وه‌ی ڕۆفاتی ۳۲ شه‌هیدی سه‌رده‌می شه‌ڕی ئێران و عێراق

ڕۆفاتی ۳۲ شه‌هیدی سه‌رده‌می شه‌ڕی ئێران و عێراق ئه‌مڕۆ به‌ربه‌یانی له‌ ڕێگه‌ی سنووری فه‌ڕمی باشماخه‌وه‌ هاته‌وه‌ نێو خاکی ئێران و له‌ لایه‌ن چینه‌ جیاوازه‌کانی خه‌ڵکی پارێزگای کوردستان پێشوازیان لێکرا.

به‌ ڕاپۆرتی ئاژانسی مێهر، ڕۆڤاتی ۳۲ شه‌هیدی تازه‌ دۆزراوه‌ی سه‌رده‌می شه‌ڕی ئێران و عێراق به‌یانی ئه‌مڕۆ له‌ ڕێگه‌ی سنووری باشماخی مه‌ریوان هاتنه‌وه‌ ئێران و له‌ لایه‌ن چینه‌ جیاوزه‌کانی خه‌ڵکی کوردستان و به‌ تایبه‌ت بنه‌ماڵه‌ی شه‌هیدان پێشوازیان لێکرا.

به‌ وته‌ی به‌ڕێوه‌به‌ری گشتی هێشتنه‌وه‌ی ئاسه‌واره‌کانی خۆڕاگری پیرۆز له‌ سه‌رده‌می شه‌ڕ له‌ کوردستان، ئه‌م شه‌هیدانه‌ له‌ ناوچه‌ی پێجوێن، کانی مانگا و به‌ردی کانگایی دۆزراونه‌ته‌وه‌ و به‌شێکن له‌ سه‌ربازه‌کانی که‌تیبه‌ی ۲۷ی محه‌مه‌د ڕه‌سولۆڵا و  که‌تیبه‌ی ۱۴ی ئیمام حسه‌ین و ۵ی نه‌سری خوراسان.

ڕۆفاتی ئه‌م شه‌هیدانه‌ له‌ ڕێگه‌ی سنووری باشماخه‌وه‌ هاتنه‌ نێو شاری مه‌ریوان و دوای پێشوازی کردن و ڕه‌وانه‌ کردنی خه‌ڵکی به‌ شه‌ره‌فی مه‌ریوان ئێواره‌ی ئه‌مڕۆ کاتژمێر ۱۶ ده‌برێنه‌ سه‌وڵاوا و دواجار له‌وێشه‌وه‌ کاتژمێر ۱۷ ده‌گاته‌ شاری سنه‌.

به‌ پێی به‌رنامه‌ داڕژاوه‌کان ڕێوڕه‌سمی کاروانی شه‌هیدانی بێ ناو له‌ سنه‌ له‌ به‌رده‌م ئیداره‌ی هێشتنه‌وه‌ی ئاسه‌واره‌کانی خۆڕاگری پیرۆز له‌ سه‌رده‌می شه‌ڕ به‌ڕێوه‌ ده‌چێت و تاکوو ده‌رنگانێکی شه‌و ده‌کێشێت.

بڕیار وایه‌ که‌ کاروانی شه‌هیدانی بێ ناو دوای ئه‌وه‌ی له‌ سنه‌ ناسرانه‌وه‌ و تاقی کردنه‌وه‌ی دی ئێن ئێنیان بۆ کرا، ڕه‌وانه‌ی تارانی پایته‌خت ده‌کرێن.

ساڵی پێشووش کاروانێکی دیکه‌ له‌ شه‌هیدانی بێ ناو و نیشان له‌ سنووری باشماخه‌وه‌ هاتنه‌وه‌ نێو خاکی ئێران و خه‌ڵکی شاره‌ جیاوازه‌کانی کوردستان پێشوازییه‌کی زۆر باشیان له‌م شه‌هیدانه‌ کرد.

News Code 4303

نیشانەکان

بۆچوونی ئێوە

You are replying to: .
  • 4 + 13 =